Shillong, Nohprah 21: Ha ka Special Session jong ka Meghalaya Legislative Assembly kaba la long hynnin ka sngi ha ka Nongbah Shillong, u Chief Minister, Shri Conrad K. Sangma, ha ka jubab jong u ia ki jingpanjingshai na kiba ki MLA, u la kren ia kine ki kyntien kumba la paw ha ka Shillong Times dt. 20.12.19 – Quote “Conrad pointed out that by the Notification of December 11 this year, which included Manipur under ILP, the Centre has changed the Preamble of the Eastern Bengal Frontier Regulation Act and the word Khasi-Jaintia was deleted though it was there in the earlier.”
Haba phai sha ka Preamble jong ka Eastern Bengal Frontier Regulation, 1873 la thoh kumne – Quote “Preamble. – [Whereas the Secretary of State for India in Council has by Resolution in Council, declared the provisions of Act 33 Vict., Chap. 3, section 1, to be applicable to the districts of Kamrup, Darrang, Nawgong, Sibsagar, Lakhimpur, Garo Hills, Khasi and Jaitia Hills, Naga Hills, Cachar .
Kaba pyni shai kdar ba ka ILP ka la treikam ha Garo Hills, Khasi bad Jaintia Hills naduh ka por synshar ki British katba kum katei ka Preamble ba la kdew haneng bad ka iai bteng kumta haduh ka 10 tarik December, 2019. Ka Repealing Act, 1897 ka la pynduh noh ia ka Garo Hills.
Ka jingkylli ka long – Balei ka Sorkar India ka weng jyndat ia ngi na ka Preamble jong ka Eastern Bengal Frontier Regulation, 1873 ha ka 11 tarik December, 2019 ha ka juh ka sngi ba la passed ia ka Citizenship Amendment Bill ha Raja Sabha, kata, hadien ba la lah passed ha Lok Sabha ha ka 10 tarik Decenber, 2019 bad ba tang ha ka 12 tarik December, 2019 la soi u President ka Ri India bad ka CAB ka la kylla long ka Ain (Act), kata, ka CITIZENSHIP AMENDMENT ACT, 2019 bad ha kajuh ka sngi ba la pynrung thymmai ia ka Jylla Manipur hapoh ka Preamble jong ka Eastern Bengal Frontier Regulation, 1873, bad weng ia ka Khasi Hills bad Jaintia Hills bad kumba ka paw ia ka Garo Hills ruh?
Kane ka pyni shai kdar ba ngi la dei ban ioh ILP lada u Chief Minister, Dr. Mukul Sangma, u la sngap ia ki paidbah kiba pan ILP ha u snem 2013, lane lada u Chief Minister, Conrad K. Sangma, u la sngap ia ka jingkyrpad jong ngi na KHADC hadien ba ngi la passed da ka Council ban pyntreikam noh ia ka la ILP (Eastern Bengal Frontier Regulation, 1873) ha u October 2018 hapoh ki jaka jong ka KHADC, hynrei u Conrad K. Sangma ha jingkren jong u lyngba ka Northeast News u la ong ba ka ILP ka dei ka ain kaba la rim la 100 snem (ILP is a hundred years old law).
Mynnin hapoh Assembly u Chief Minister, Shri Conrad K. Sangma u da pynbna khain bha ia ka kyntien Khasi bad Jaintia Hills District la weng noh na ka Preamble jong ka Eastern Bebgal Frontier Regulation 1873 ha ka 11 tarik December, 2019.
Ka Iing-dorbar (Assembly) hynnin ka sngi 19.12.2019 ka la dei ban ther tyngeh ia ka Sorkar BJP balei ka weng kyndit kynsan ia ka Garo Hills, Khasi and Jaintia Hills, kata, ha ka por ba ka Jylla Meghalaya baroh kawei ka la donkam eh ia ka ILP hadien ba la long ain ka CAB. Ka iing ka la dei ban dawa ia Sorkar MDA ba dei ban mih noh na ka NDA mynnin hi ka sngi.
Ka Resolution ruh kam dei ban kyrpad ban ioh ILP hynrei ba ka Sorkar India ka dei ban thep biang ia ka Khasi and Jaintia Hills bad lada long ia ka Garo Hills District ruh kumjuh kumba ki la don naduh shwa ban mih ka Ri India. Ka Resolution ka dei ban kdew ruh ba ka clause (2) jong ka Article 372 ka Constitution ka India ha kaba u President ka India u la pynmih ia ka Notification dated 11 th December, 2019 ka dei ka bym lah ban ieng namar ka clause (3) (a) ka thoh kumne Quote “Nothing in clause (2) shall be deemed – (a) to empower the President to make any adaptation or modification of any law after the expiration of (three years) from the commencement of the Constitution ..”
Kata, ba u President um lah shuh ban leh ei ei halor ki ain kiba la don shwa ka Constitution (Pre-Constitution Laws) kum ka Eastern Bengal Frontier Regulation, 1873 hadien ba la kut KI LAI SNEM naduh ba la sdang ka Constitution ka India; ka Constitution jong ka India ka treikam naduh ka 26 tarik Jannuary, 1950 kumta hadien ka 1953 um lah shuh ban pynkylla ia kano kano ka bynta jong ka Eastern Bengal Frontier Regulation, 1873. Dei tang ka Parliament kaba dang lah ban wan rah ia kano kano ka jingpynkylla ia ki ain kiba la don shwa ka Constitution ka India.
Kan bha shibun ba lada u Chief Minister bad ki MLA badonburom ka Meghalaya Legislative Assembly ki khot biang ia ka Special Session bad ia thir bha ia kane ka kam thurmur. Ka paw shai kdar ba ka Sorkar India kam kwah ban buh kyndon kumne : Shim ia ka ILP bad duh noh ia ka Sixth Schedule lane hun bad ka Sixth Schedule ha baroh kawei ka Meghalaya bad khlem ILP.
Hynrei ma ngi namar ki ain ba la thaw katkum ka Paragraph 19 (1) (b) (3) jong ka Sixth Schedule ka Constitution of India kaba dei shisha ka Paragraph kaba kyrpang bad ba don bor na ki Paragrapha baroh jong ka Sixth Schedule bad ba la da pynskhem ruh da ka Supreme Court badonburom, ngi don lang ia ka Sixth Schedule bad ka ILP.
U bah HS Shylla u kyrpad ia ki Seng Bhalang baroh ban ia wan lang ha kawei ka shatri na ka bynta ka jingialeh bathymmai da ka mynsiem kum shipara lymda kumta ngin pyniap da lade ia lade. Kam long shuh ban ngin pynmih ia ki paidbah ha ki lynti syngkien namar ka kam ka long kaba khia katta katta, kaba dei ban ia thir bha jai, ngim dei ban ailad ban mih ka law and order situation namar duhnong hi kiba paidbah la jong ha kiba bun ki bynta, ngin tied ai u bsein khlem da pynkhein ia u dieng. Ngi biang lut ki kyndon ain baroh. La ong u Bah HS Shylla myntri sorkar barim ka jylla bad kum juh kum u CEM ba rim ka KHADC.
