Balei ka surok na Mawphlang sha Ranikor ka dang sah kut pat pyntrei haduh mynta?

Shillong, Lber 17: Ka jingnangnud jong ki paidbah jong ki lai tylli ki konstitwensi, ka Mawphlang, Mawkyrwat bad jong ka Ranikor ban iohi noh ia ka jingtrei ia ka surok na Mawphlang sha Ranikor la dei ban sdang noh.

Ka jingpynkhreh ban shna thymmai ia kane ka surok kaba don kam kala iaid mynta la jan 14 snem linter naduh ba la sdang ia ka ban leh ia ka jingjurip bad kala don ruh ka jingiakren halor kane ka surok ha ka sorkar hynrei haduh mynta ym pat iohi ia ka dak ka shin ban sdang trei ban pynheh ia ka.

Katkum ka jingjurip kaba nyngkong ka jngshna ia kane ka surok  kan long na Mawphlang shah Mawsynram bad kan poi sha Ranikor, hynrei ha dien ba u Dr Mukul Sangma u la wan ban shimti kum u myntri rangbah ka jylla ha ka sien kaba ar la pynkylla ia kane ka jingthmu ha kaba la pynkynriah sha Mawkyrwat.

Kane surok ka long shisha kaba don kam namar ka jingbun ki shnong ki thaw kiba don ha shilynter jong ka bad ka pyniasoh ruh ar tylli ki District ka East Khasi Hills District bad ka South West Khasi Hills District ban poi sha kan nongbah Shillong kaba dei ka nongbah jong ka jylla.

Haba u SP News Agency u la ioh ban ia kren bad bun ki briew kiba hap ha kine ki lai tylli ki konstitwensi khlem da pynpaw ia ki, kila pynsngew ba ka sorkar kala dei ban sdang noh ban pyntrei ia kane ka surok namar ym ba ka kut ha Ranikor hynrei ka pyniasoh sha Baghmara jong ka South Garo Hills District.

Ha ka por ba jurip ia kane ka surok ka jingpynkhreh jong ka sorkar jylla ha kitei ki snem kiba la leit ka jingbei pisa ia kane ka surok kan wan lyngba ka Asian Development  Bank, ka tnad shna surok kala pynnreh ruh ia ka DPR na ka bynta kane ka surok hynrei haduh mynta ka sorkar kam pat pyntrei ia kane ka surok.

What Next?

Recent Articles

Leave a Reply

Submit Comment

*