Shillong, Lber 07: U Lat jong ka jylla u Phagu Chauhan mynta ka sngi la pynbam smai ia u Conrad K Sangma kum u myntri rangbah ka jylla lem bad ia ki kahtwei ngut ki myntri ha ka sorkar jong u ha phyllaw jong ka Raj Bhavan Shillong mynta ka sngi.
U Conrad K Sangma u la bam smai ha ka kyrteng u blei, ki myntri jong u ruh u bah Prestone Tynsong, bah Sniawbhalang Dhar kum ki symbut myntri Rangbah ka jylla kila bam smai ha ka kyrteng u blei.
Ki wei ki myntri ka, Dr. Mazel Ampareen Lyngdoh, u AT Mandal, u Marcuise Marak ,u Rakam A Sangma. u bah Paul Lyngdoh, bad u Kyrmen Shylla, u bah A L Hek, bah Shakliar Warjri, kine ruh kila shim ia ka jingbam smai kum ki myntri sorkar ha ka kyrteng jong u blei.
Kane ka dei ka sien kaba nyngkong ha ka khana pateng jong ka jylla Meghalaya ba la wan sakhi lang da u myntri rangbah duh jong ka Ri India u Narendra Madoi, ha kaba la don lang u Myntri kam poh iing ka sorkar pdeng u Amit Shah ia ka jingpynsmai myntri rangbah ka jylla u Conrad K Sangma.
Ha kane ka sngi la sakhi lang da ki MLA na baroh ki party ba ia don lang ha ka sorkar, ki heh shipai, kiba don ha kane ka jylla Meghalaya, ki heh sorkar jong ka jylla Meghalaya, kiba ha iing ha sem bad kum juh ki nongkyrshan jong ki myntri kiba la shah pynbam smai mynta ka sngi.
