Ban bat ia ka reslot ia ki khynnah ba khlem dih dawai MR ngan pan jingshai na u DC: Lahkmen

Shillong, Naiwieng 22: U myntri ba dei peit ia ka pule puthi ha ka jylla u Bah Lahkmen Rymbui u la ong ba un sa kren ia u Deputy Commissioner jong ka East Khasi Hills halor ka khubor kaba la mih mynta ka sngi ha ki lad pathai khubor ia ka hukum ba la pynmih na ka ophis jong u DC.

Haba kren ha u SP News Agency, u Bah Rymbui u la ong  “ Nga thikna ba ia ka hukum ym shym la pynmih na ka tnad pule puthi jong ka sorkar namar ba ngam don jingtip ei, hynrei ia ka hukum la pynmih na ka ophis jong u Deputy Commissioner jong ka East Khasi Hills District, ngan sa pan jingshai halor kane, ynda la ioh ia ka jubab yn sa lah ban ong kaei kaba lah ban leh” u la ong.

Ka hukum kaba la pynmih na ka ophis jong u DC ban bethah ia ki skul ban bat ia ki resolt jong ki khynnah kiba khlem dih ia ka dawai Measles bad Rubella kala pynkyndit ia ki kmie ki kpa jong ki khynnah skul kaba ka eksamin ka dang iaid mynta ha jan baroh ki skul hapoh jong ka East Khasi Hills District.

 

 

What Next?

Recent Articles

Leave a Reply

Submit Comment

*