Jowai, Jymmang, 13: Ka Khasi Students Union Jaintia Hills District Unit dangshen kala leit ban ia kynduh markhmat ia u Deputy Commisioner ka West Jaintia Hills District bad ruh kumjuh ia u Chief Expectative Member ka JHADC naka bynta ban pan jingshai bad budien halor ka jingiaid shakhmat ka pyrkhing Mynder ia kaba la tip kum ka Comprehensive Mechanism.
Ha kaba iadei bad ka Entry and Exit Points naka liang ki Nongialam ka KSU JHDU hapoh ka Jingialam u President ka KSU JHDU U Samla Ohibait Dkhar ka la kyntu jur ia u DC Ka West Jaintia ban pynstet iaka kam naka bynta ban ioh tei kloi iaka Khyrdop Ban Khynra iaka Rung ka Mih ki Mynder shapoh ka Bri U Hynniewtrep.
Hakaba iadei bad ka District Task Force naka Liang ka KSU ka pynpaw iaka jingsngewkhia halor ka jingbym shimkhia bad ka jngpynslem ki bor ba halor ban pyntreikam iakane District Task Force watla iakane ka kam la dep pynbna naduh ka snem 2016 ruh katkum ka clause 5.(1) jong ka Meghalaya Resident Safety and Security Act 2016 .
Katba ha kaba iadei bad ka jingkynrei jong ka jingleh Benami hapoh ka Jylla naka liang ka KSU ka la kyntu ia kine ki arngut ki Nongialam ba hakhmat ka District ban tehlakam iaka jingjur bad ka jingjyllei palat ka jngkhaii hapoh ka Jylla daki Bar jylla haka kyrteng ki Trai Jylla da kaba pyntreikam iaka Benami Transaction (Prohibition) Act 1988 bad ruh ka Jaintia Hills Autonamous District ( Trading by Non Tribal ) Regulation Act 2011.
Kiwei pat ki mat kiba ka Seng ka la wanrah hakhmat kine ki arngut ki Heh ka District ki long halor ka jingdonkam ban pyllong iaka Jingkhynra Trading Kicence, bad ruh ban Dawa ban kem mardor ia ki Nongkynshoit kiba long ka daw bah iaka jingmih ka Jinghuri hura kat haduh ba shah thang ki jaka Rep ki nongrep haka Shnong Amlanai West Jaintia Hills.
Halor kine ki mat kiba donkam kiba ka seng kala buh hakhmat u Deputy Commisioner ka West Jaintia Hills bad ruh hakhmat u Chief Executive Members ka JHADC naka liang kitei ki arngut kila kular ha khmat ki nongialam ka Seng ba kin shim khia ia kane ka kam katba lah.
