Shillong, Nailar 10: U Bah Vincent H Pala MP jong ka party Congress na Shillong, u la ong ban bujli ia u president ka MPCC ka long sha bar ka jylli jong ka Congress Legislature Party, ban bujli ia u president don kam ia ka jingmynjur jong ka AICC kane ka dei ka rukom pyniaid hapoh jong ka Congress.
Haba kren ha ki lat pathai khubor ha iing sah jong u ha Nongrim Hills la iathuh ba mynta ka sngi kala don ka jingiakren bad u Genenral secretary ba dei peit ia ka jylla Meghalaya u Luizinho Faleiro ha kaba 18 ngut ki MLA na ki 19 ngut kila ia shim bynta ha kane ka jingiakren lyngba ka Zoom Meeting.
Ka phang jong kane ka ia kren ka long ban pynkhlain ia ka party ban pynkhreh ia ka MLA elelction na ka bynta jong u snem 2023, ha kane ka jingialang ba khlem poi dei u President ka MPCC bad u wei u MLA na Garo Hills, ha kaba baroh ki MLA kila ia kren bad pynsngew ha u nongalam jong ka AICC.
Haba ia dei bad ka jingia kren ban bujli ia u President jong ka MPCC, na ka liang jong u bah Vincent u la ong ba ka dei ka jingshisha hynrei ban bujli ia u President don kam ia ka jingmynjur jong ka AICC. La ong ba kam dei tang san ngut ki MLA kiba la thoh ia ka shithi hynrei mynta ki don shiphew ngut ki MLA kiba kwah ban bujli ia u president kala long kumba 10 ngut na ki MLA.
Halor kane ka jingdawa na ka liang jong u Bah Pala u la pynshsia ba ka jingbym lah jong u President ban kham paw ha kine ki sngi ka dei na ka daw jong ka jingshistom jong ka kmie jong u Dr C Lyngdoh bad haba la iathuh ia kane ka jingeh ki MLA ruh kila pdiang.
Ha kane ka jingialang kila ia kren ban pynkhlain shuhuh shuh ia ki nongkit kam ka party kham tam ha kito ki jaka kiba ka party kam don MLA namar ba ki don kiba la mih kum u Bah Preston Tynsong, Sniawbhlang Dhar bad kiwei haba ki moh na ka party ki nongkit kam jong ka party ruh ki mih lang ha kune kine ki jaka don kam ban thung thymmai.
Na ka liang jong u Bah Pala u la ong ruh ba kam don kam eh ban long President MPCC ban long u MLA, kumba ka long ka party kala leh bha ha kine ki ielekshon kiba la dep, ia mynta namar ka don kane ka khlam COVID-19 ia mynta yn nym lah ban pynlong ia ka ilekshon ban jied ia u president ka MPCC.
