Shillong, Nailur 01: Ban kynmaw burom ia ka sngi kha jong u Major Dhyan Chand Singh ha ka sngi burom jong ki nongialehkai ia kaba la tip kum ka “National Sports Day” ki shipai ia da khappud kila pynlong ia ka jingialehkai paralok da ka jingialehkai kynting bol ha Mawpat.
Ka jingialehkai ka long ha pdeng ka kynhun hsipai “Meghalaya Frontier BSF” bad ka “Assam Regiment, Shillong” ha kaba ka Assam Regiment kala jop ia kane ka jingialehkai da 2-1.
U L Mohanti, Inspector General, Meghalaya Frontier BSF lem bad kiwei kiwei ki ophisar jong ka kynhun shipai BSF ryngkat ka jingiadon lang ki kynhun shipai na ka Assam Regiment kila ia don lang ha kane ka sngi ban sakhi ia kane ka jingialehkai. U IG BSF Meghalaya u la ai khublei ia baroh ar tylli ki kynhun kiba la ia shim bynta ha kaneka jingialehkai.
