Ban burom ia u Bah Warton president ba rim ka HFU, u  2019 un long u snem ki nongrep

Shillong, Naiwieng 07: Ka Hill Farmer Union (HFU) ka pynpaw ia ka jingsngewlem sha ka kurim bad ki khun, ka iing ka sem baroh kawei bad kiba ha iing hasem bad baroh kiba don jingiadei bad kiba ieit ba thoin halor ka jingkhlad noh jong u Bah Warton Lytan u ba dei u President barim jong ka Hill Farmer Union (HFU).

Ka jingkhlad noh jong u ka long ka jingduh bakhraw ym tang ia ka iing ka sem, hynrei ka long ruh ka jingduh kaba khraw na ka bynta ka seng. Na ka liang jong ka seng ka duwai ba U Blei un don ryngkat bad pyntngen ia ka iing ka sem baroh kawei ha kaba kum kane ka jingjia kaba sngewsih.

Ka seng kam lah khlem da pynpaw ia ka jingsngewnguh halor ka jingangnud jong u ban iarap bad kyntiew na ka bynta ki nongrep. U bah Lytan ha ka jingiakynduh kaba dangshen bad u President ka Hill Farmer Union (HFU) ba mynta u bah Commander Shangpliang u la pynpaw ba u angnud ba ka sorkar kaba mynta kan bud ia ka nuksa ha ka por ka sorkar jong u Bah E.K Mawlong bam kwai ha dwar u blei u ba la pynbna ia u wei u snem kum ka snem jong ki nongrep.

Kumta u Bah Commander Shangpliang President jong ka HFU u la ong ban pynurlong ia kane ka jingangnud jong u bah Lytan na ka liang jong ka Hill Farmer Union (HFU) ka kyntu ia ka sorkar Meghalaya ban pynbna ia u snem 2019 kum u snem jong ki nongrep.

 

 

What Next?

Recent Articles

Leave a Reply

Submit Comment

*