Shillong, Naitung 29: Mynta ka sngi ki nonghikai hapoh jong ka lama JACATAm kila pynlong ia ka jingiakhih jong kid a kaba shong kyllain mungot ha jan jong ka AIR ha kaba da ki spah ngut ki nonghikai kila poi kiba dei na kane ka East Khasi Hills District kane ka long ban dawa na ka sorkar ba ka dei ban pynurlong ia ka jingdawa jong ki ban provincialise ia ki nonghikai.
Ha kane ka sngi kiba la wan ban ia shimbynta ki dei ruh ki dkhot jong ka FAMASTA,U Bah Kenneth Shadap, secretary jong ka JACATAM u la ong ba namar ka jingbym leh ei ei ka sorkar ia ka jingdawa ka jong kila shim ia ka rai ban pynlong da ka jingiaid paidbah ha kane ka nongbah Shillong ha ka san tarikjongu Nailar.
Kane ka jingiakhih ka jong ki ka long namar ba ka sorkar kala sngap jar jar ia ka jingdawa ka jong ki wat ha dien ba kila dep ban thoh sha ka sorkar la bun bun sien bad halor kane kila donbun ki jingiathoh shithi hapdeng ka seng bad ka sorkar hynrei kam shym don kano kano ka rai na ka sorkar bad mynta kim banse ban pynlong ia kane ka jingiakhih ka jong ki.
