Shillong, Naiwieng 28: U Bah Cyril V.D Diengdoh u additional secretary jong ka sorkar jylla ba dei peit ia ka tnad Political mynta ka sngi u la phah ia ka shithi sha ki kynhun seng bhalang bad kum juh sha ki seng sain pyrthei ban pyntip ba u myntri kam poh iing ka sorkar pdeng u la khot ia ki sha ka jingialang sha Delhi ban ia kren halor ka Citizenship Amendment Bill, 2016.
Katkum ka shithih kaba la phah sha ki seng bhalang bad ki seng sain pyrthei kala kren shai ba kane ka jingialang kan long ha ka 30/11/2019 sngi saitjain ha Nongbah Delhi. Ia ka jingialang la khot da ka tnad kam poh iing jong ka sorkar bad la bethah ruh ba ka jingialang kan long ha ka por 1.00 noh phai sngi na North Block new Delhi.
U bah Robert June Kharjahrin president jong ka Hynniewtrep Youth Council u ba dei ruh u Chairman jong ka Confederation of Meghalaya Social Organisation haba kren ha u SP News Agency y la iathuh ba na ka liang jong ka CoMSO kan leit ban ia shim bynta ha kane ka jingialang ban pynpaw ia ka jingpyrshah.
Na ka liang jong ka KSU ki ban leit sha ka jingialang ba la khot da ka tnad kam poh iing jong ka sorkar pdeng ban ia kren halor ka CAB ka ban logn ha ka 30/11/2019 ha Nongbah Delhi, ki long u samla Donal V Thabah general secretary, James Hitler Mawphniang katba u President ka seng u Bah Lambostartwell Marngar u la don sha Delhi ha kaba u bah Samuel B Jyrwa chairman ka NESO ruh u la don sha Delhi.
