Ban ia kren ia ki jingeh ia kynduh ki nongtrei Mid-day Meal ha Assam Club Laban

Shillong, Iaiong 27: Mynta ka sngi ki nongtrei Mid-day Meal kila ia kynduh ha Assam Club ban ia kren ia ki jingeh kaba ki trei ha kane ka kam. Kiba la ia poi sha kane ka jingialang ki long kumba 50 ngut ei ei kiba dei na kane ka nongbah Shillong.

Ha kane ka jingialang kaba la long mynta ka sngi kila ia kren kumno ban thaw noh ia ka seng kum ka kynhun ban ia treilang ha baroh kawei ka jylla ban peit ia ki jingeh kaba ki ia kynduh na ka por sha ka por ha kaba ki trei ia kane ka kam shet ja bam sngi na ka bynta ki khynnah skul.

Ban kdew hangne ba ka jingthmu jong ka sorkar ban ai kane ka ja sngi ha ki skul ka long ban khring ia ki khynnah ba kin wan sha ki skul bad ha ka juh ka por ban ai ia ki jingbam ban tei met ia ki khynnah bad ia kane ka kam la juh phah shet ha ki skul ia ka ja ban ai ban ia ki khynnah.

Haba u SP News Agency u la ia kren bad ki katto katne kiba poi sha kane ka jingialang kila pynpaw ba ka jingeh kaba nyngkong kaba ki ia kynduh ka long ba kim juh ioh ia ka bai nong ha ka por kaba biang ki juh ioh shisien lai bnai ban bun sien ka long palat ia kata.

Ka jingkwah jong ki ban don noh ia ka seng ka long ba kin dup lah ban ia kren ia kine ki jingeh jong ki sha ka sorkar kum ka kynhun namar haduh mynta ym don ba peit na ka bynta kane ka khia ka shon ka jong ki.

 

What Next?

Recent Articles

Leave a Reply

Submit Comment

*