Shillong, Nailur 06: U myntri rangbah ka jylla u Conrad K Sangma la ong, ban ia nujor bad ki jylla ba marjan ha kaba ia dei bad ka jingkiew dor jong ka umphniang petrol kham duna ha Meghalaya.
Kane ka jingjubab jong u myntri rangbah ka long halor ka jingkylli hato ka sorkar ka don ne me ia ka jingthmu ban pynduna ia ka khajana ia u umphniang namar kane ka jingkiew dor ka petrol ha kine ki sngi.
U myntri rangbah u la ong ba, ka khajana jong ka umphniang ka hap hapoh jong ka State Vat, la ong ba ia mynta ka sorkar kam pat don kum kata ka jingpyrkhat bad la dei ban leh ruh hap ban da peit bniah shuwa yn nym lah ban ai kano kano ka jingkular khlem pat da peit bniah.
U myntri rangbah ka jylla u Conrad, u la pynsngew ban ia nujor ia ka dor umphniang bad kiwei ki jylla, ka dor hapoh Meghalaya ka dang kham duna.
