Ban ia shai ia ka T.133 klur haka dur jong ka kot ym buh thup ia ki skhim kular u CEM ka KHADC

Shillong, Risaw 13: U Bah Pynshngianlang Syiem CEM jong ka KHADC haba jubab ia ka Zero Hour kaba la wanrah da u Bah D Wanllang mynta ka sngi hapoh ka iing dorbar ia kaba la ia shim bynta da ki para MDC ban ia kren halor ka jingbym ia ioh ryntih ia ka skhim mar lai klur kumba la kular.

Na ka liang jong u CEM haba pynshai ia kane u la ong ba, kane ka skhim kam dei ka skhim SWRP, hynrei ka dei ka “Special Central Assistance” bad na ka liang jong ka Executive Committee kala pyrhshang ban ialeh katba lah ban pynioh mar ryngkat sha baroh 29 ngut ki MDC.

Halor ka jingkren jong u MDC na Umsning u Bah Donkupar Sumer ha kaba ia dei bad ka Iew ha Umsning, la ong ba ka skhim kala don hynrei ka jingeh ka long ba ka mih ka jingbum ia hun ha kaba ia dei bad ka jaka. Halor ka jingynnoh jong u Bah Samlin Mallangniang MDC ka Sohiong ba leit sam him u CEM ia ki “work order” haba ia dei bad kane dei ka EC kaba la aiti sha u MDC ban sam, namar ia ki skhim la pan da ki rangbah shnong.

Na ka liang jongu CEM u la ong ba ka lah ban don ka jingtam duna hangne hangtai hynrei ka EC kala ialeh ban wanrah ia ka jingiaryngkat ha baroh ki Constituency jong ki MDC, U CEM u la ong leit wad jingtip na kiwei ki ADC kumno la leh ia kane ka skhim bad phin sa lap “ Nga ngam kwah ban leh kumta nga kwah ba baroh kin ia ioh lang martkum juh tam ne duna hangne hangtai”.

Na ka liang jong ka EC kam kwah ban buhrieh ei ei ruh em halor kane, kin s alum thup ia baroh ki skhim bad buh ia ka ha ka dur jong ka kot bad yn sa sam sa baroh ki para MDC ban ia shai ha kaba ia dei bad kane ka pisa T.133 klur tyngka. Ban shu ia kynnoh kam long, ynda la iatip sa ia kren.

Haba ia dei bad ki Constituency MDC kiba la hiar shuki noh ki MDC kala wan ka election shiteng samai bad kaei kaba ki la ioh ka dei ka jingpan skhim jong ki rangbah shnong bad la ai sha ki shnong katkum ka jingpan jong ki, hynrei don bok ba kala shah kyntait kawei ka skhim jong ka Council ha ka state level Committee ia kane ka pisa kaba sah ym sam sha ki MDC ba jop ia ka Election shiteng samoi.

Kiwei ki para MDC kiba la ia shim bynta ha kane ka jingiakren ha ka Zero Hours ki long u ka kong Rona Khyndeit MDC jong ka Nongpoh, Bah Manstudy Nongrem MDC jong ka Ranikor, Bah HS Shylla MDC jong ka Nongkrem, Bah Samlin Mallangniang MDC ka Sohiong, Bah Teinwell Dkhar MDC ka Shella, Kong Telinia Thangkhiew MDC ka Mylliem, Bah Adelbert Nongrum MDC ka Jaiaw.

What Next?

Recent Articles

Leave a Reply

Submit Comment
*