Ban iada ia ka jingai dawai khasi ia soi soskular ka MLCU bad ka KHADC mynta ka sngi

Shillong, Nailar 04:Ka soskular ban iada ia ki dawai khasi la ia soi mynta ka sngi ha pdeng ka skul bah Martin Luther Christian University bad ka Khasi Hills Autonomous District Council mynta ka sngi, kane ka jingiasoi soskular ka long ban pyntrei kam ia ka ain jong ka KHADC ia kaba la tip kum ka  Khasi Hills Autonomous District (Protection and Promotion of Khasi Traditional Medicine) Act, 2011.

Ia ka soskular la ia soi hapdeng ki dkhot jong ka Martin Luther Christian University bad ki dkhot jong ka  Khasi Traditional Medicine Commission jong ka Khasi Hills Autonomous District Council. Ia kane ka soskular ia soi hapoh jong ka ophis jong ka KHADC ha ka jingdon lang u Chairman ka Commission u Bah Banteidor Lyngdoh u ba dei ruh u Executive member.

Katkum kane ka jingiathekular kaba la ia soi mynta ka sngi ka long ba ka MLCU kan iarap bad ka jingmut ia ka KHADC ha kaba ia dei bad ka rukom wad bniah ha kaba ia dei bad ka jingai dawai khasi bad ha ka juh ka por kane ka MLCU kan kyntiew ia kane ka rukom ai dawai khasi.

Na ka liang jong ka MLCU kan shim ia ki lad ki lynti kumno ban pyntrei kam ia kane ka rukom ai dawai khasi ha ka rukom kaba janai katkum ka rukom pyrkhat jongka  ain kaba la shna da ka KHADC ka  Khasi Hills Autonomous District (Protection and Promotion of Khasi Traditional Medicine) Act, 2011.

What Next?

Recent Articles

Leave a Reply

Submit Comment
*