Ban iada na ka jingwan rungkyrthep ki briew ba na bar dei tang ki seng riewlum: Dr Donkupar

Shillong, Nohprah 15: U Shongknor jong ka iing dorbar thawain ka jylla u Dr Donkupar Roy u ba dei ruh u president jong ka seng UDP, haba kren kum u kongsan ha ka jingpynkut ia ka jubilee ksiar  jong ka seng HSPDP mynta ka sngi ha Soso Tham Auditorium ha Shillong, u la ong ban iada na ka jingwan rung kyrthep jong kiwei ki jaidbyriew dei tang ki seng riewlum.

U Dr Donkupar la ong ba la juh ionsngew ia ka jingiakren ha kaba ia dei bad ka jylla Tripura, ha kaba ki trai shnong kila kylla rit paid hala ka jylla bad kane kam dei ban wan jia ha kane ka jylla ban iada ia kane dei tang ki seng riewlum, kiwei ki party kin ialeh tang ban jop ilekshon. Don kam ban pynkhlain ia ki seng riewlum ban ioh bat ia ka bor synshar, kumba long ka MNF kaba la shimti ia ka sorkar ha Mizoram mynta ka sngi.

Ha ka jingkren jong u Dr Donkupar ha kane ka sngi, u la pynsngew ba kum ki nongialam kila pyrshang ban ia treilang kum ki seng riewlum hynrei kam long kaba suk namar ki mih ki party thymmai, ha kane ka sngi pynkut ia ka jingrakhe ia ka jingdap 50 snem jong ka party HSPDP, u la ong ba hapdeng kine ki ar tylli ki seng ki lah ban iapher hangne hangtai hynrei ka thong ka dei ka juh, ta ngin ia trei lang ban ioh ia ka bor synshar ban iada ia ka jaidbynriew.

U Dr Donkupar, u la ong ba ka jingma kaba don mynta ka dei ka bor jong ka pisa kaba kane kam dei ka tynrai jong ka jaidbynriew, u la kren ba dei haduh jong u snem 2003 ba ka bor pisa kala pynkylla lut ia kiei kiei baroh ha ka por ilekshon. U la ong ba lada u kyrtong u khlain katno katno shuwa ban niew but, hynrei da la niew but u rem.

Ha kane ka sngi, u Dr Donkupar u la ong ba lada ia ki paidbah la lah ban thied da ka bor jong ka pisa ban jop ia ka ilekshon, kam don jingeh da ka bor jong ka ain ban khang bad kan poi ka por ban duh noh ia la ka jinglong trai halor ka khynew ka shyiap.

U la kyntu ia ki ba ia poi sha kane ka jingrakhe ia kane ka jubilee ksiar ban ia trei shitom ban pynkhlain ia ki seng rielwum la ka dei ka HSPDP ne UDP. Lada ki seng riewlum ki synshar ka pyrthei ka tip ia ka jinglong kyrpang jong ka jaid byrneiw kum ba long ha ki jylla hapoh South India.

Haba phai pat sha ka jingiakren halor ka jingrung jong ki nongkhaii ha ka kam sian pyrthei, u Dr Donkupar u la ong ba ia kane yn nym lah ban khang, hynrei kaei kaba don kam ka long ba ynda ki la jop ki dei ban hikai ia ki paidbah ban trei kam khaii, lada ki klun lut sha lade kata ka jingjot kala ap.

Haba phai sha ka seng HSPDP, u la ong ba ka jingnoh syniang kaba khraw tam jong ka jong ka party ha kine ki 50 snem ka long ka jingioh ia ka jylla ba pura, ia kane yn nym lah bna len dei lyngba ka jingialam jong u Bah Hopingstone Lyngdoh bam kwai ha dawar u blei u la ba ong lada yn lah ban ioh ia ka jylla ba pura yn leh da ka kam dei kane kaba la pynlong ba ka jylla Meghalaya kala ioh iala ka jong ka jylla ba pura tang ha pdeng khyndiat por ha dien ba la ioh ia ka sub state ha u snem 1970.

Ha kane ka sngi u Dr Donkupar u la ong ba ia ki kam kiba khraw ym dei ba la ia kren ha kaba bun briew, hynrei dei hapdeng ki khyndiat ngut, dei hangne u Bah Hopingstone Lyngdoh bad ki 13 ngut ki dkhot kila lah ban leh ia ka kam bah kam san da ka jingtrei shitom ka jong ki.

Ha kane ka sngi u Dr Donkupar u la ong ba u la ioh ban iatrei lang bad u Bah Hopingstone 28 snem lynter bad kila juh ia kren ia ka jinglum ki seng riewlum bad kaei ka lawei jong ki seng riewlum ha ki por ki ban dang wan. U Dr Donkupar u la ong ba u khmih lynti ba ka HSPDP bad ka UDP kin dang ia treilang nangne sha khmat.

Haba phai sha ki seng riewlum u la ong ba ia ka jingbamsap ym lah ban pynduh, hynrei kaei kaba lah ban leh ka long ba ha ki seng riewlum lah ban pynduna. U la kyntu ba to yn ia trei shitom ban ioh ia ka jingsynshar ha la de bad ka pyrthei kan ithuh.

Ha kane ka sngi, u symbut kongsan u Dr DD Lapang u la pynlait paidbah ia ka kot “Thohsah kynmaw” jong ka party, ha kane ka kot kum ka party kala ialeh ban bsiap ia kaei kaba ka pyrty ka la leh naduh ba sdang ia ka party haduh kine ki sngi kiba mynta.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet