Ban iada na ka khlam COVID-19, Pynjari korphiew miet ka DC ha Ri Bhoi District

Shillong, Jymmang 11: Ka Deputy Commissioner jong ka Ri Bhoi District ka kong R M Kurbah kala pynjari ia ka korphiew miet ha baroh kawei jong ka Ri Bhoi District naduh mynta ka sngi haduh ka 18 tarik mynta u bnai naduh ka por 7.00 baje mynmiet haduh ka por 6.00 baje mynstep.

Ka jingpynjari ia ka Korphiew miet ha baroh kawei ka District ka long ban iada na kane ka khlam COVID-19 kaba don ha ka jylla bad ka Ri baroh kawei, ban pynthikna ba kane ka khlam kan nym ioh ban rung hapoh jong ka Ri Bhoi District katkum ka bor kaba la pynkup ha ka kyndon 144 Cr.PC ka DC kala pynjari ia kane ka korphiew miet naduh mynta ka sngi.

Kane ka jingpynjari ia ka korphiew miet ka long ruh katkum ka kyndon kaba 3 jong ka Meghalaya Epidemic Diseases, COVID-19, Regulation 2020 bad ka jingbthah No.5 jong ka tnad kam poh iing jong ka sorkar pdeng, halor kitei ki kyndon la pynjari ia kane ka korphiew miet ha baroh kawei ka District.

Na ka liang jong ka Deputy Commissioner kala pyntip ruh ba la pynlait ia kine ki kynhun treikam na ka korphiew miet bad kita ki long, security Forces, Medical Teams on Duty, wholesale and retail pharmacies, police and arms forces, Fire and Emergency services, MeECL, NEEPCO and Power Grid, Food and Civil Supply Department, FCI, PWD, PHE.

Postal Service, Telecom, Communications and IT services, Press, Print and Electronic Media, Petrol Pump, Essential services including Health service and online Home delivery, Authorises workshop and designated spare parts dealership of health and family welfare department Government of Meghalaya and Government official on duty.

Na ka liang jong ka DC kala ong ba baroh hap ban bud ryntih ia ki jingbthah kiba la pynmih na ka sorkar bad kum juh na ka tand ka koit ka khiah jong ka sorkar jylla. Ia baroh ki draibar bad ki nongbud kiba kit ia ki mar ba don kam hap ban peit bniah haki jaka rung katkum ki kyndon bala buh.

Haba ia dei bad ka jingiaid ki kali kamai bad ki kali jong ki riew shimet na ka liang jong ka DC kala pyntip ba ki kali kamai kiba kut ha kine ki number 0,2,4,6 bad 8 kin kamai ha ka sngi Nyngkong, sngi Balang bad Sngi Thohdieng, kum juh iaki kali jong ki riew shimet kiba kut ha kitei ki nymber kin iaid ha kine ki sngi kiba la bthah.

Ki kali kiba kut ha u number 1,3,5,7 bad 9 kiba dei ki kali kamai bad ki kali jong ki riew shimet kin iaid ha ka sngi Baar, sngi Palei bad sngi Saitjain. Ha ka sngi U blei yn nym shah ia baroh ki kali la ki dei ki kali kamai ne ki kali riew shimet ba kin iaid.

La bthah shuh shuh ba ia ki kali saw shaka la shah ban kit briew tang ar ngut nalor jong u Draibar, ki Draibar ki dei ban deng Glove, dei ban don ka umphniang saitkti bad ki nongshong kali ki hap ban bud ryntih ia ka jingpynia jngai iwei na iwei. Ia ki kali ar shaka yn nym shah ban kit briew. Lada lap ba don ba pynkhien ia ki kyndon ym pynshitom katkum ka ain.

Na ka bynta kito kiba don kam ia ka korphiew pass ban iaid ha ka por mynmiet kin hap ban apply na ka ophis jong ka DC lyngba kane ka website www.ribhoi.gov.in

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet