Shillong, Iaiong 03: U Myntri Rangbah ka jylla u Cornad K Sangma ha ka jingialeit ban kanbas ilekshon ha Damas GHADC Konsititwensi u la kyntu ia ki paidbah ba kin pynjop ia ka party NPP ban wanrah ia ka jingskhem ka Executive Comittee ha GHADC.
Haba kren ha kane ka jingialang paidbah ha Keragalram kaba hap hapoh jong ka North garo Hills ban ai ka jingkyrshan ia u Dolly Sangma u ba dei u Dy CEM ha ka EC kaba la leit noh ha GHADC, la ong ka ka GHADC ka don kam ia ka jingkyrshan jong ka sorkar jylla bad ka sorkar pdeng.
Lada pynjop ia ka party kaba don ia ka bor synshar ha ka jylla kan long ka jingmyntoi ia ka GHADC ha kaba yn lah ban ai ia ka jingkyrshan, la ong ba ka party NPP kala kut jingmut ban trei na ka bynta ka roi ka par jong ki paidbah ha kiba bun ki liang.
U Mytnri rangbah ka jylla u la ong ba ka District Council ka don ia ka bynta kaba khraw tam ban pynneh pynsah ia ki riti dustur bad ka long kaba don kam ban dan gpynkhlain shuh shuh bad ba dei ban dang ai bor ia ki District Council. Ka don ka thong ban pynthymmai ia ka jingtrei kam jong ki District Council ba kin lah ban trei kam katkum ka bor kaba la pynkup ha ki.
Na ka liang jong u Cornad u la kyntu ia ki paidbah ba kin ai ka jingkyrshah ia ka party NPP ha kane ka ilekshon MDC kaba mynta bad ba kin lah ban trei kham bha na ka bynta ban kyntiew ia ka ioh ia ka kot jong ki paidbah ha baroh ki liang.
