Ban ioh ia ki jingdon kam ki paidbah ha ka por ba biang, yn wanrah ia ka MRPS, Bill, 2020: Conrad

Shillong, Risaw 30: Ka jingialang jong ka cabinet kaba ba ki paidbah kin ioh ia ki jingdon ha ka por ba biang yn wanrah ia ka “Meghalaya Right to public Service Bill, 2020”  ha kane ka sien shong dorbar ka ban long ha u Naiwieng.

U Myntri rangbah ka jylla u Cornad K Sangma haba kren ha ki lat pathai khubor ha dien ka jingialang jong ka Kabinet kaba la long mynta ka sngi u la ong ba la rai ban wan rah ia ka Meghalaya Right to Public Service Bill, 2020 ha kane ka sien shong dorbar ka ban sa wan.

U Myntri rangbah u la batai da ka jingthmu jong kane ka Bill ka long ban buh da ka por haba ki paidbah ki apply ia kano kano ka jingdon kam ba ki dei ban ioh ha ka por kaba la buh kane ka long ban pynsuk ia ki paidbah.

La ong ba lada kane ka Bill kan kylla long ain ki ophisar kin shah pynshitom lada kim lah ban pynioh ia ki jingdon kam jong ki paidbah ha ka por kaba la buh, u la nuksa kum kaba apply syrnot Schedule Tribe, lane ka laisen niah kali bad kiwei ki jingdon kam ki paidbah.

Ka jingiakren kaba la khlam slem ka jong halor ka jingai jingmut jong ka Standing Committee jong ka tnad kam poh iing ka sorkar pdeng halor ka “Inter State Council Secretariat” jong ka tnad kam poh iing ka sorkar pdeng kaba dei jong ka  MM Puncchi Commission.

U Myntri Rangbah ka jylla u la ong ba kane ka jingai jngmut  jong ka MM Puncchi Commission kaba la thaw ia kane ka committee ha u snem 2007 bad kane ka Commission kala ai ia ka kaiphot jong sha ka Standing Committee bad kane ka standing Committee kala peit bniah.

Kane ka jingai jingmut ka long kum ia ka bor jong ki Lat jong ki jylla, ba kan don da ka por ba kumno ia ki bill dei ban pynlait haba la pdiang da ka iing dorbar thawain ki jylla, ka jingiadei ha pdeng ka sorkar pdeng bad ki sorkar jylla.

U Myntri Rangbah u la ong ba  kila don ruh bun kiwei kiwei ki phang ki la don haduh 70 tylli bad ka cabinet kala thir bniah bad ka sorkar jylla kan sap hah ia ka jingai jingmut jong ka ruh sha ka sorkar pdeng halor ki jingmut kiba ka Puncchi Commision.

What Next?

Recent Articles

Leave a Reply

Submit Comment

*