Shillong, Naitung 01: U bah Michel Syiem ryngkat ki dkhot jong ka “Maitshaphrang Movement” mynta ka sngi kila leit ban ia kynduh ia u Lamphang ka iing dorbar thawain ka jylla u bah Metbah Lyngdoh ban kyntu ba un ia kren bad ka sorkar pdeng ban pynrung ia ka Phan Nonglait kum ka nongialeh laituid jong ka Ri India.
Haba kren ha ki lat pathai khubor la ong ba ka jingiakynduh jong ki ia u Lamphang ka iing dorbar ka long ba u lah ban ia kren bad ka sorkar pdeng ban pynrung ia ka kyrteng jong ka phan Nonglait kumwei na ki nongialeh lait luid jong ka Ri India.
U bah Michel la ong ba ym lah ban leh ia k jingshisha ba ka jingleh jong ka Phan Nonglait kala pynlong ia ki shipai jong ka Hima Nongkhlaw ban ioh ban pyniaid ia ki ar ngut ki heh shispai ka sorkar Bilat bad kiwei ki dei ki shipai.
Haba ia dei bad ka Phan Nonglait kala don ruh ka kot ia kaba la pynmih da u muktiar bah Daniel Stone Lyngdoh, kane kala kren shai ia ka jinglong khraw jong kane ka kynthei kaba la ia khun pyrshah ia ki phareng.
U Lamphang ka iing dorbar thawain u don ia ka bor ban ia kren bad ka sorkar pdeng namar ka shuki kaba u bat ka dei ka shuki kat kum ka riti synshar jong ka Ri India, kumto u don ka bor ban ia kren ha ka kyrdan jong u.
