Ban ithuh ne em ia ka UPF kum ka kynhun hapoh iing dorbar shong ha u Dy Speaker

Shillong,Nailar 07: U Deputy Speaker jong ka iing dorbar thawain ka jylla u Timothy D Shira yn dang poi sha Shillong la shai na ka sngi na ka jingleit  ka jong u.Ha dien ba u la poi sha Shillong, un sa bishar ia ka jingpan jong ki hynriew ngut ki MLA ban ithuh iaka United Progressive Front (UPF)  kum ka kynhun hapoh iing dorbar.

Ki hynriew ngut ki MLA kiba la ia mynjur lang ba thaw iaka UPF hapoh kane ka sorkar MDA kaba ki ia don lang mynta long u Bah Banteidor Lyngdoh, Bah Hamletson Dohling, Bah  G. Mylliemngap, Bah Jeson L Mawlong na ka PDF, u Bah Lambor Malangniang Ind bad u Saleng A Sangma jong ka NCP.

Katkum ka jingkam jong kitei ki hynriew ngut ki MLA ka long ba kim don ia u nongialam jong ki ban long u Chairman jong ka kynhun UPF, ia kane ki la kren da u Bah Banteildor Lyngdoh bad kiwei ki MLA ha dien ba kila ai ia ka shithi sha u Joint Secretary jong ka iing dorbar thawain ka jylla.

Haba u SP News Agency u la ia kren bad ki katto katne ki briew khlem da kwah ban paw kyrteng kila ong ban ithuh ia kano kano ka kynhun hapoh ka iing dorbar ka shnong ha u Speaker, hynrei mynta ka jylla kam don ia u Speaker, u ba lah ban shim ia ka rai ka shnong ha u Deputy Speaker.

Na liang jong ki nongpeit pyrman ki pynsngew ba kan long kaba eh ban  ioh ia ka jingithuh ia kano kano ka kynhun hapoh ka iing dorbar lada kim don ia u nongialam, kane ka kynhun UPF ka don ia u nongialam ia kaba kim pat kwah ban pynpaw pyrthei.

 

What Next?

Recent Articles

Leave a Reply

Submit Comment

*