Shillong, Iaiong 09: Ka jylla Meghalaya ka don ar tylli ki MP Konstitwensi, ka 1-Shillong bad ka 2-Tura Parliamentary Konstitwensi bad ha kane ka 17-Lok Sabha Ilekshon ki kyrtong baroh ki don khyndai ngut.
Na ka 1-Shillong Parliamentary Konstitwensi ki don hynrew ngut ki kyrtong, u Bah Vincent H Pala jong ka INC, Dr Jemino Mawthoh jong ka UDP, Bah Sanbor Shullai jong ka BJP, u Bah Romei Phira Rani, Bah THS Boney bad u Bah Samuel Hashah ki dei ki kyrtong shimet.
Katba na ka 2-Tura Parliamentary Konstitwensi ki don lai ngut ki kyrtong, ka Agatha Sangma jong ka NPP, u Dr Mukul Sangma jong ka INC bad u Rikman Momin jong ka BJP.
Baroh ki nongthep vote jong ka jylla na ka bynta kine ki ar tylli ki MP Konstitwensi ki don 1914795 lak ngut, ki nongthep vote hapoh jong ka 1-Shillong Parliamentary ki don 1197806 lak ngut, katba ka 2-Tura MP Konstitwensi ka don 716989 lak ngut. Ki jaka thep vote baroh ki don 3167 tylli, ha 1-Shillong ki don 2053 tylli katba ka Tura ka don 1114 tylli.
