Shillong, Kyllalyngkot 10: Ka kompeni Mebescort International Private Limited kala pyniaid ia ki “Air Ambulance” na Umroi Airport bad ia ki Train Ambulance na Guwahati Railway Station.
Haba kren ha u SP News Agency u Co-Director jong katei ka kompeni u Allan Joy, u la iathuh ba kila sdang ia kine ki Air Ambulance na Umroi Airport bad lada ka suin bneng kam long ki pyniaid na Guwahati Air Port.
La iathuh ruh ba ioh leh se ki don kiba duna ha ka jingioh kim lah ban kit da ka Air Ambulance namar ka jingrem dor, ki pyniaid ruh ia ki Train Ambulance na Guwahati Railway Station. Kane ka long katkum ka jingkwah jong ki nongpang sha kano ka jaka kaba ki kwah ban leit.
La iathuh ba na kane ka jylla Meghalaya kila don kumba hynniewsien ei ei ki briew kila pyndon kam ia kine ki Air Ambulance ban kit ia ki nongpang ar sien na Umroi bad san sien na Guwahati.
La ong ba lada don kino kino kiba don kam ban kit nongpang kyrkieh ki lah ban phone sha kine ki number 7042030250 bad 9774900430 la ong u Allan Joy Co-Director ka tei ka kompeni.
