Ban kynnoh ia ki mashin EVM da u myntri rangbah ka bym don nongrim: Conrad

Shillong, Jymmang 26; U Conrad K Sangma MP jong ka Tura, u laong ba ka jingkynnoh jong u myntri rangbah ba ka jingrem election ka dei na ka daw jong ki mashin EVM ka bym don nongrim, ha ka jingshisha  ka sorkar ka dei jong ki, Congress baroh ki ophisar ki hap ha ka jingpeit jong ki, kane ka jingkynnoh ka long ka bym don nongrim ha ei haei ruh.

Haba kren ha ki nongthoh khubor mynta ka sngi ha ophis jong ka Party national People Party, ha kaba la don lang u president  jong ka Meghalaya state unit u Dr W Kharlukhi bad ar ngut ki MLA jong ka party, u Conrad u la ong ba ka election ka la kut bad mynta kala dei ka por ban ia trei na ka bynta ka roi kapar ha ka jylla, ha ka por election ka don ka jingia kyntoh iwei iwei hynrei  kane ka la kut.

U la ong ba kum u MP jong kane ka jylla bad u ba mihkhmat ia ka Tura, u la ong ba ka kam kaba ha khmat jong u ka long ban peit bad ban trei na ka bynta ka roi kapar jong ka dong ka thain, ka jylla bad ia North East baroh kawei, ula ong ba u kpa jong u u Purno A Sangma u don bun ki jingiohi jngai ban kyntiew ia kane ka thain bad un bu dien ban pynurlong iaki.

Ki bynta kiba ka dong ba ka thain ka don kam eh ka long ki surok, ki kad liengsuin, ki jaka pule, ki lad pathai khubor bad kiwei kiwei ban kyntiew ia kane ka, u la ong kaba kongsan ka long ban peit ia ka rep ka riang bad ia ki samla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet