Ban kyntiew ia ka pule, ai khusnam ka seng long kmie Lum Shyiap pdeng shnong

u-bah-al-hek-bah-ban-basaiawmoit-ha-ka-jingsam-khusnam-ha-lumshyiap-pdeng-shnongShillong, Risaw 22: Ka seng long kmie Lum Shyiap Pdeng shnong mynta ka sngi kala ai biang ia ka khusnam sha ki samla pule kiba la pass bha ha ka eksamin matrik bad klass XII. Ha kane ka kynti kaba mynta baroh ki don san ngut ki nongioh, lai ngut ha ka Matrik bad ar ngut ha ka class XII.

Ha ka jingkren jong u Bah AL Hek MLA jong kane ka jaka u la ong ba, na ka liang jong u u la ai ka jingiaroh ia ki samla kiba la ioh ia ki eksam jong ki bad kane ka long kaba don kam ban ai mynsiem ia ki samla pule. Ka jingpynshlur ka long kaba don kam namar ka jingstad mynta kam dei tang ha ka jingpule hynrei ha baroh ki liang.

Kam long ka ban ong ba ki long kiba stad hynrei ka don kam ruh ia ka jingshem phang, u Bah Hek u la ban jur ruh long ki ba tip briew tip blei, kam biang tang kin long kiba stad hynrei kaba kongsan kan long ba ting burom ia u blei bad ban long kiba sngewrit kane kan long kaba kongsan.

Ha ka jingkren jong u Bah J B Basaiawmoit u ba long u MDC jong kane ka jaka  la ong ba kane ka jingai khusnam ka dei kaba dang shu jia shem, kane ka long ban pynshlur ia ki ban dang wan ha dien ba kin ioh mynsiem. Ki lah ban don ki khynnah kiba tbit hynrei ioh kim ioh ia ka lad ban leit sha ki skul kiba kham bha.

Ha ka jingkren jong u Bah Basaiawmoit, u la ban jur ha kane ka sngi ba ki samla pule ki dei ban long kiba trei shitom bad ka jingduk kam dei ban long ka jingkhanglad ha kaba ia dei bad ka pule puthi. Ki samla pule ruh ki dei ban don ka akor ka burom ia la ki jong ki kmie ki kpa.

Ha kane ka sngi la don lang ruh ki nongkit kam shnong bad ki kmie ki kpa jong ki khynnah kiba ioh khusnam,ia kine ki samla pule la ai ia ki certificfate bad ka pisa kaba T.2000/- tyngka. Ban pynphuh pynphing ia kane ka sngi la don ruh ki jingshad na ki khynnah skul.

What Next?

Recent Articles

One Response to "Ban kyntiew ia ka pule, ai khusnam ka seng long kmie Lum Shyiap pdeng shnong"

  1. Enolis Nongspung says:

    Khublei shibun eh ia ki jing don lang jong phi na ka liang ka ‘spnewsagency’ ha ka tei ka sngi ban nang kham pyn i phuh i phieng ia ki program jong ngi bad ban publish ha ka website jong phi khlem da khmih lynti ia ka bainong.Kum ka President jong ka Lumshyiap Pdeng Shnong Unit nga sngew nguh shibun eh ia ka jing noh syniang ka jong phi ban ai mynsiem ia ki khynnah jong ngi ba kin nang kiew sha phrang ha ki jing pule jong ki. Khublei shibun , to U Blei Un nang kyrkhu ia phi baroh kiba ia snoh kti lang ha ka “SPNEAGENCY”

Leave a Reply

Submit Comment

*

Where to buy Vidalista Professional 20 Mg (Tadalafil) tablet