Nongkseh, Nailar 26: Ka sorkar jylla da ka jingiatreilang bad ka dorbar shnong, seng samla shnong Nongkseh kala pynlong ia ka tamasa ha Nongkseh ban pynsngewthuh ia ki samla ba kin shim iala ka jong ka rai ban jied ia ka lawei ka jong ki.
Ia kane ka tamsa la pynlong da ka jingkyrshan jong ka sorkar jylla lyngba ka skhimia kaba la tip kum ka ‘Supporting Human Capital Development in Meghalaya’ (SHCDM). Ka jingthmu jong kane ka tamsa ka long ban pynsngewthuh ia ki samla ba lyngba katei ka tnad sorkar ka don shibun ki lad ki lynti kumno ba ki samla kin ioh jinghikai ban pyntbit ia lade ba ki lah ban seng ia ki kam ki kam da kaba pynrung ia la de ha ki jinghikai kiba kyrpang ia kaba la kyrshan da ka Meghalaya State Skills Development Society (MSSDS) bad ka Labour Department (ITIs).
Ban pynryrngia ia ki samla ha kane ka sngi la don bun ki jingiapyni nam kum ka shad ka jingniah bike ha kaba bun ki samla na katei ka shnong kila wan ban sngap. La ong ruh ban a ka bynta ki jingtip kiba ia dei bad kane ka skhim ki lah ban phone ha une u number 1800-345-3644 khlem da don kano kano ka jingsiew lane kin ioh ia ka jingtip na DC ophis ha kip or long trei.