Ban kyntiew ia ki kam jngohkai pyrthei pan jingmut u Conrad ka Lat jong ka jylla Manipur

Meghalaya CM meet Manipur Governor.Shillong, Iaiong 08: U myntri rangbah jong ka jylla Meghalaya u Conrad K Sangma ha ka jingleit jngoh ka jong u ia ka jylla Manipur u la leit ban ia kynduh ia ka Najma Heptulla ka Lat jong ka jylla Manipur  ryngkat bad u myntri rangbah katei ka jylla u N.Biren Singh.

Ha kane ka jingiakynduh na ka liang jong u myntri rangbah ka jylla u Conrad K Sangma u ka khot sngewbha ia Najma sha kane ka jylla Meghalaya bad ha ka juh ka por u la pan jingmut kumno ban kyntiew ia ki kam jngohkai pyrthei ha kane ka jylla.

Ha kane ka jingiakynduh, na ka liang jong ka Lat jong ka jylla Manipur ka Najma Heptulla kala pynkynmaw ia ka jingiajan jong ka bad u Purno Agitok Sangma u kpa jong u Conrad ha ki por ba mynshuwa. Na ka liang jong u Myntri rangbah ka jylla bad u myntri rangbah ka jylla Manipur kila ia kren kumno ban kyntiew ia ka roi ka par ha kane ka thain shatei lam mih ngi.

 

What Next?

Recent Articles

Leave a Reply

Submit Comment
*