Ban kyntiew iaka pule puthi, rai ka HYC ban pynkha noh ia ka shnat ia ka “Student wing”

Shillong, Risaw 14: Ka HYC Seng Kmie lyngba ka CEC Meeting kaba long mynta ka sngi ka la sngewdei ban pynleit jingmut bha ia ki mat ba khia ba ki samla pule ki ia kynduh na ka por Sha ka por. Ban pynjanai ia ka jingshakri ha ka pule puthi bad ban iarap ia ki samla pule ka jaidbynriew ka seng ka la shim ia ka Rai ban Don noh ia ka ” HYC Students’ Wing “.

Ka Students’ Wing Kan dei ka shnat treikam jong ka Seng ka ban pynleit jingmut beit thik ia ki mat ka pule puthi bad ia ki samla pule . Kan shim khia ban kyntiew ia ka pule puthi , ban iarap ia ki samla pule bad kan shim ia ki issue ban dawa kyntiew ia ki scholarship, ban dawa ba Ka scholarship dei ban siew ha ka por ba biang.

Kane ka shnat  kan pynlong ia ki program ban kyntiew ia ki samla pule Kum ki awareness, ki carreer Guidance bad counseling program, ki traning, ki coaching class, ban dawa na sorkar ban Don ki jaka pule ba biang bad ban dawa na ka sorkar ba Kan wanrah ia ka education policy kaba bit ba biang na bynta ki samla pule.

Ka Seng Kan sa shna ia ki unit ha man ki College bad University kiba don ia ki samla pule ka Jaidbynriew Hynniewtrep. Ha ki Secondary Schools bad Higher secondary schoos ia mynta yn nym buh ne shna Unit. Ha ka Sudents’ Wing yn shah Tang ia ki samla pule Hynniewtrep kiba dang pule naduh Class XI shajrong bad kiba dang Don ka ki jingpule bapher bapher la ong u Bah Roykupar Synrem general secretary ka seng.

 

 

 

 

What Next?

Recent Articles

Leave a Reply

Submit Comment

*