Shillong, Nohprah 24: Ka KSU ka kyntu ia ka sorkar ban pynbeit mardor ia ki kynrum kynram ha kaba ia dei ba ka kam jong u Chief Secretary.
Katkum ki jingiohi ha ki lad pathai khubor la shem ba u bah Hector Marwein uba dei hok ban ioh ia kane ka kyrdan u la shah kyntait ha uwei pat u ophisar IAS uba kham hapoh ia u.
Kum kine ki jingjia ka seng ka sngew ba kan ktah bha ia ka synshar ka khadar ha ka jylla namar ba ka sorkar ka la pynkheiñ ia ki kyndon katkum ka rukom ba la iaid naduh mynshwa.
Ka seng ka sngewdei ba yn lait na ka jyrwit jyrwat hadien habud kan bha ia ka sorkar jylla ban pynbeit noh mardor ia kane ka kam kaba lah ban ktah wat haduh hadien habud bad ban thung noh da u ophisar uba don hok kata u bah Hector Marwein.
