Ban plie noh ia ki iew ha Ri Bhoi, yn ia kynduh ki RS bad ki Nongmih khmat lashai ha Nongpoh

Shillong, Naitung 01: U Bah CB Syiem u la iathuh ba la shai ka sngi kan don ka jingiakynduh jong ki rangbah shnong bad ki MLA MDC jong ka Ri Bhoi District ha Nongpoh ban ia kren halor ka jingplie ia ki iew kiba juh long shisien shitaiew hapoh ka District.

La iathuh ba ha kane ka jingialang la shai ka sngi ka khot ia baroh ki rangbah shnong bad kum juh ia ki MLA MDC ba kin ia mir jingmut ha kaba ia dei bad kane ka jingpynkhreh ban plie noh ia ki iew kiba juh long shisien shitaiew hapoh Ri Bhoi District.

Kumba ka long ka Ri Bhoi District ka ia khap bad ka jylla Assam kumta shuwa ban plie ia ki iew ki don kam ban ia kren namar ba ki hap ban bud ia baroh ki kyndon kiba la buh da ka sorkar khatam ka jingdeng ia ki Mask bad kum juh ki jingsait kti.

Haba ia dei bad ki iew kiba juh long shisien shitaiew ha baroh kawei ka jylla ka sorkar kala dep ban pynbna ba la shah ia ki ban plie naduh ka 29 tarik u bnai Jylliew da kaba ia kren lang bad ki bor jong ki District administration.

What Next?

Recent Articles

Leave a Reply

Submit Comment

*