Ban poi sha ka thong ban rep khlem pyndon kam dawai don kam ban ia treilang:Bah George

MELA in ICARShillong, Lber 17:  ka ICAR Research Complex, Umiam, mynta ka sngi kala pynlong ia ka Krishi Unnati Mela, 2018 da ka jingiatreilang bad ka  Zonal Technology Management Unit (ZTMU),ha kaba u myntri rangbah duh jong ka Ri u Narendra Modi u la kren ha kane ka jingialang lyngba ka Video Conference.

Ka thong jong kane ka mela ka long ban “ Pynkiew ia ka kamai jong ki nongrep da arshah” ka jingthmu ban pynlong ia kane ka jingialang ka long ban pynsngewthuh ia nongrep ba kin kyntiew ia ka rep ka riang ka jong ki ryngkat ka jingdon ki kot ki bor jong kane ka juk kaba mynta bad kane ka long kaba kongsan ha kaba wanrah ia ka jingkylla ha ka Ri India, la ong u myntri rangbah duh jong ka Ri.

Ban wanrah ia ka jingkylla ha ka Ri u myntri rangbah duh jong ka Ri India u la ong ba don kam ia ki scientist bad iaki nongrep ban ia treilang ha kane ka bynta. U la ai ka jingiaroh ia ka jylla Meghalaya bad u la ong ba ka jylla Meghalaya kan ioh ia ka khusnam kaba kyrpang.

Ka jylla Meghalaya ka long kaba rit hynrei kala lah ban poi sha ka thong ha kaba ia dei bad ka rep khlem da pyndon kam ia ki dawai sboh,ka long kaba sien kaba nyngkong ha ka Ri ba ka Ri Bhoi District kala ioh ia ka khusnam Pandit Deen Dayal Upadhyay Krishi Vigyan Protshahan Puraskar (National  bad  Zonal) 2017. Ia kane ka khusnam la pdiang da u Dr. N. Prakash Director for ICAR RC for NEH Region bad  Dr. Mokidul Islam Senior Scientist u khlieh jong ka KVK jong ka Ri Bhoi District. Kan ka khusnam ka long T.2.25 lak tyngka.

Ha ka jingkren jong u MLA jong kane ka jaka ha kane ka Mela u bah George B Lyngdoh u la ong ba kane ka jaka wad bniah kala trei shitom na ka bynta ban kyntiew ia ki nongrep kane ka thain ba ka ioh ka kot jong ki kan kiew ar shah shuwa jong u snem 2022, bad u la ong ba ka ICAR bad ki nongrep ki dei ban ia treilang ban pynlong ia kane ka thain ban poi sha ka thong ha kaba rep khlem da pyndon kam sboh dawai. Ha kane ka sngi u bah Shibun Lyngdoh President jong ka BJP Meghalaya State Unit u la ia don lang.

 

 

What Next?

Recent Articles

Leave a Reply

Submit Comment
*