Ban pynbeit ia ki jingeh ha u Nohprah yn ia kynduh ki nonghikai bad ka sorkar: Conrad

Shillong, Nailar 28: U myntri rangbah jong ka jylla Meghalaya u Conrad K Sangma ha khmat jong ki nonghikai Adhock u la ong ba ka jingialang hapdeng ki nonghikai bad ka sorkar ban ia mirjingmut ban pynbeit ia ki jingeh kan long ha u bnai Nohprah mynta u snem.

Haba kren ha ka jingialang ba juh lang man la u snem jong ki nonghikai Adhock ia kaba la tip kum ka State Level Gathering of All Adhock  School Teachers kaba la long mynta ka sngi ha Madan Malki, u la ong ba kane ka sorkar jong u naduh ka sngi ba ka shimti ia ka sorkar kala buh ia ka tnad pule puthi ha khmat eh.

Na ka liang jong ka sorkar ka dang ia leh ban pynwandur ia ka tnad pule puthi ha ka jylla. Kumba ka long mynta man la u snem shilak ngut ki samla kila kot sha ka rta wad kam wad jam bad ka dei ka bynta jong ka sorkar ban plie ia ki lad ki lynti ha ka ioh kam ioh kam.

Dei hangne ba ka mih ka jingkylli kaei ka bynta jong u nonghikai bad ka bynta jong ka sorkar, ka bynta jong ki nonghkai ka long ban saindur ia ki samla pule bad ka bynta jong ka sorkar ka long ban shim ia ka jingkitkhlieh. U la ong ruh ba u juh ong ia ki myntri sorkar bad ia ki MLA ka kam kam dei dei tang ban pynioh ia ki kam pynroi hynrei ban trei ruh ban wan rah ia ka jingkylla.

Haba ia dei bad ki jingeh jong ki nonghikai, na ka liang jong u myntri rangbah u la ong ba u sngewthuh bin pa bin, u sngewthuh ruh ia ki jingeh ha ka liang jong ka ioh ka kot jong ki nonghikai, u la ong ba ha ki ri Europe ki nonghikai bad ki pulit ki ioh ia ka kyrdan kaba ha khmat eh ha ka imlang sahlang.

U Myntri rangbah u la ong bay m dei ba ka sorkar kam don ia ka jingsngew na ka bynta ki nonghikai, ka sorkar ka don bha ia ka jingsngew na ka bynta jong ki, hynrei baroh ia tip ba ka sorkar ruh ka don la ka jong ki jingeh bad kata ka dei ha ka liang jong ka pisa pilain.

Haba ia dei bad kine ki jingeh kiba ki nonghikai ki ia kynduh yn khot ia ka jingialang ha pdeng ki nonghikai bad ka sorkar ha u bnai Nohprah ban ia mir jingmut ban weng ia ki jingeh ha kaba ia dei bad ki kam jong ki nonghikai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet