Ban pynbun ia ki pulit kynthei, rai ka kabinet ban mang kam kyrpang 10 persent

Shillong, Iaiong 06: U Myntri kam poh iing u James K Sangma u la iathuh ba ka kabinet mynta ka sngi kala shim ia ka rai ban pynkylla ia ka kyndon ba 29 jong ka Meghalaya Police Act, la leh ia kane na ka bynta ban pynbun ia ki pulit kynthei hapoh ka jylla Meghalaya.

Da kane ka jingpynkylla, la mang kyrpang 10 persent ka kam ha ka tnad pulit tang naka bynta ki kynthei, ha kaba mynshuwa kam don, baroh ki kynthei kiba don ha ka kam pulit mynta ki hap ban ia khun ia ki juh ki jingiakilan met ryngkat bad ki shynrang.

La pynshai ruh ba kane ka jingmang kam kyrpang ia ki kynthei haka tnad pulit 10% kan hapoh ka bhah kam kyrpang kaba jong ka jylla. Kumba ka long mynta ka jylla ka don ka jingduna ia ki pulit kynthei ha ka kyrdan Sub Inspector bad ha ka kyrdan langrud.

What Next?

Recent Articles

Leave a Reply

Submit Comment

*