Ba pyniaid kali na PB ka dei ka jingai sngewbha ha kane ka sngi kha u Conrad: Jhunwala

Shillong, Kyllalyngkot 27: Kumba la pynbna ba naduh mynta ka sngi ki pulit kin pyniaid ia ki kali na Khyndailad bad mih sha Umsohsun, kum ka jingpyrshang ban peit haduh katno kan iarap ia kane ka jingkhap ngiah kali.

Haba u SP News Agency u la ia kren bad ki briew kiba sah bad ba shong dukan ha Police Bazar, u Jhunwala trai jong ka JC Shop,u la ong ba ka police Bazar ka dei ka jaka shong bad ka iew ruh ha ka juh ka por, la ong ba khyndait snem la pynsangeh ia kane ka jingiaid kali na kane ka surok bad kala pynshlur ia ki briew kiba khlem register kiba khlem ioh jingbit ban die ia ki mar jong ki ha Police Bazar.

“ Na ka bynta ka jingbit jingbiang jong ki ia ka jingiaid kali la pynsangeh, haba u khun siew jong nga u pang nga hap ban rah ia u sha hospital kumno ngan rah ia u khunlung ha kane ka jingbun briew haba 90% na ka jaka la khang lynti ki nong die madan ki bym dei ki trai ri khynrei baroh ki dei na Bangladesh bad ki die jain kiba don GST”, la ong u Jhunwala.

U Jhunwala u la ong shuh hsuh “ ngi ki dukan kiba don GST bala register bad haba ngi siew ia ka GST ka pisa ka wan sha ka sorkar jylla ia kaba lah ban pyndon kam na ka bynta ban pyntrei ia ki kam pynroi, hynrei kine ba dei madan katno ki siew, hynrei kine ki briew kim siew ei ei sha ka sorkar hynrei ka jingdie ka long kham bun shah ia kaei kaba ngi die ha dukan”.

“Kane ka dei ka khana pateng ka ban sah kynmaw ia kaba la pynbeit da ka sorkar Meghalaya bad nga kmen ban iohi ba mynta ka sngi ka dei ka sngi kha jongu myntri rangbah ka jylla Meghalaya u Conrad K Sangma bad mynta ka sngi ka dei ka jingai ia ki briew jong ka jylla Meghalaya” la ong biang u Jhunwala.

U wei na kiba shong dukan Dedar Market u Nawar Uddin la ong ba kane ka jingpyniaid kali mynta ka sngi ka long tang ka jingsdang ym pat lah ban ong ei ei, kin ia peit ha kine ki sngi kan iarap ne em namar mynta ka sngi ka dang long ka sngi sdang ia kane ka jingpyniaid kali.

U Ali u ba dei u wei na ki nongtrei jong ka dukan die tiar ha Bhajanlal u la ong ba ia mynta ka sngi kim pat lah ban ong ei ei namar kadei tang ka jingsdang, ha ka juh ka por u la ong ba u iohi ba ka don ka jingma namar katei ka jaka ka dei ka iew ha kaba ki briew ki ia wan iew wan hat, khamtam kiba wan shiing shisnem kiba wan rah lang bad ki khynnah.

What Next?

Recent Articles

Leave a Reply

Submit Comment

*