Shillong, Iaiong, 12: U myntri ba dei peit ia ka tnad pule puthi jong ka sorkar jylla u Bah Lahkmen Rymbui haba jubab ia ka jingkylli jongu Bah Wailadmiki Shylla ha kaba ia dei bad ka Kiang Nagbah College kaba don ha Jawai, u la ong ba kane ka college sorkar ka don ia ka jinghikai kaba mynsngi bad mynstep.
Ki nonghikai kiba hikai ha ka por mynsngi ki don 67 ngut bad kiba hikai ha ka por mynstep ki dang tang 16 ngut. La iathuh ba ia ki subjek kiba don Honors ki nonghikai ki don san ngut ia na ka bynta kawei ka subjek bad ia ki subjeb bym don Honors ki nonghikai ki don lai ngut .
Haba ia dei bad ka jingpynheh suh ia katei ka College sorkar khnang ban ioh ban pynrung kham bun ki khynnah pule, u myntri u la ong ba ka jingtrei ia ka iing ban kham pynbun ki kamra ka dang iaid sha khmat mynta na ka skhim RUSA.
Na ka liang jong ka sorkar kan buh ia ka Community College ha Jiantia Hills naka bynta ban kham pynsuk ia ki briew ban ioh rung klass. Ha kaba ia dei bad ka jingpyniakhlad ia ki samla pule BA bad ia kiba pule ha ka klass XI bad XII ka sorkar ka dang wad jaka mynta bad mar ia ioh iaka jaka ka sorkar kan pyniakhlad ia kiba pule BA badkiba pule klass XI bad XII.
