Ban pyniasoh ia ka Shella bad Mawsynram da ka jingkieng ha wah Umiam pan pisa na World bank

Shillong, Nailur 20: Ka sorkar Meghalaya Democratic Alliance (MDA) hapoh ka jingialam jong ka party National people’s Party (NPP) kala dep phah ia ki skhim shna surok sha ka sorkar pdeng ban ban pisa lyngba ka World Bank bad ha kane ka jingkieng ha wah Umiam ha Shella ruh ka sorkar kala pynrung lang.

Ka jingeh jong ki briew kiba don ha khappud kiba dei na ka thain Mawsynram bad kum juh na ka thain Shella ha ka leit ka wan ha katei ka thain ka long ba kam don ia ka lynti iaid kali namar ka don katei ka wah Umiam ha kaba ki briew ki hap ban iaid da ka kjat la ka dei ka ha por tlang ne por lyiur.

Kane kam dei ba ka buh jingeh tang ia ki riew paidbah hynrei ka buh jingeh ruh wat ia ki shipai BSF kiba don ha khappud ban pahara ia u pud u sam ha pdeng ka India Bangladesh ha ki bynta jong ka jylla Meghalaya namar kam don jingkieng ban iaid kali khamtam ha ka por lyiur.

Lah ban pynkynmaw ba ia ka jingkieng ha kane ka wah la sdang ban shna ha kine ki snem kiba la leit noh hynrei ki paia jong kane ka jingkieng kila shah rong noh ha ka um bad na ka liang jong ka sorkar jylla kala ieh ia kane ka jingkieng khlem bteng shuh ia ka jingtrei.

Mynta ha kane ka sorkar MDA kala kyntup lang ha ka skhim ba ka sorkar kala pan pisa na ka World Bank ba kawei na ki skhim ha kane ka jingpan pisa ka jingkieng wah Umiam kaba pyniasoh ia ka Shella bad ia ka thain Mawsynram kala kyntup lang ha kane ka jingpan pisa ban shna ia ki surok.

U symbut myntri rangbah ka jylla u Bah Prestone Tynsong haba kren ha u SP News Agency u la ong ba ia kane ka jingkieng ha Shella ia kaba la tip kum ka  wah Umiam la pynrung ha ka skhim ba ka sorkar jylla kala pisa lyngba ka World bank bad da la ioh ia kane ka pisa kin sdang noh ban pyntrei ia kane ka jingkieng kaba don kam.

 

 

What Next?

Recent Articles

Leave a Reply

Submit Comment

*