Shillong, Naiwieng 14: ka Public Account Committee (PAC) mynta ka sngi kala khot ia ki ar tylli ki tnad trei kam jong ka sorkar ban ia kren halor kaei kaba la mih ha ka kaiphot jong u Controller Auditor General ia kaba la pynmih ha ka 31th Lber 2018 kaba dei na ka bynta jongu snem mang tyngka 2016-2017.
Kia r tylli ki tnad sorkar kiba la khot mynta ka dei ka tnad pynmih bor ding jong ka sorkar jylla bad ia ka tnad kakit kabah. U Bah Charles Pyngrope Chairman jong ka PAC, u la ong ba ka kaiphot jong ka CAG kala kdew ba kala don ka jingduh kaba T.152.56 klur na ka tnad kakit kabah namar ba kam shym la ioh ia ka pisa kaba ka sorkar kala ai wai ia ki weighbridge na ki nongshim wai.
Haba ia dei bad kane, na ka liang jong ka PAC, kala bethah ia ka tnad ka kit kabah ba kin wad kilad ki lynti kumno ban ioh biang ia ka pisa na kito ki briew kiba khlem siew ia kaba dei ban siew sha ka sorkar jylla bad ki hap ban wan ban jubab sha ka PAC hapoh ki lai bnai, aiu ka tnad sorkar kaka leh halor kane.
La iathuh ba tang ka Weighbridge ha Umling kam shym pat siew sha ka sorkar mynta sa T.7 klur bad 7th Miles Jowai ruh kam pat siew sha ka sorkar sa T.7 klur kine ki long kiba heh tam na pdeng ki weighbridge kiba pynsah sha ka sorkar. Ka jinglait ei ka khajana mawshun na Dawki bad Umkiang kala kot haduh T.10.51 klur. Kane ka long ka jingduh kaba khraw ia ka sorkar jylla.
Haba ia dei bad ka tnad bording jong ka sorkar jylla, u Bah HM Shangpliang u wei na ki dkhot jong ka PAC, u la ong ba ka long kaei kaei kaba sngewsih ban iohi ba wat la ia ka MeSEB la pynkylla sha ka MeECL ka rukom trei kam ka dang long kum juh ka jingkylla ka long tang ka kyrteng.
La iathuh ba baroh ki MLA ki ia kynduh ia kawei ka jingeh kaba ia dei bad ka jingduh jong ki Transphormar , ka long kaba sngewsih ba ki shnong ha ki nongkyndong ki hap ban ap da ki bnai ban bujli ia u transphormar , hynrei lada ki paidbah ki pynslem pat ban siew ia ka bai light ki kloi ban leit ot.
Kiwei ki dkhot jong ka PAC, u Bah Renikton L Tongkhar, bah George B Lyngdoh bad u Zenith M Sangma kila ia don lang ha kane ka jingiakynduh jong ka PAC mynta ka sngi ha kaba ma ki ruh kila pynpaw ia kaei kaba shem lyngba ka kaiphot jong ka PAC.
