Shillong, Nohprah 21: U Myntri Rangbah ka jylla u Cornad K Sangma mynta ka sngi ryngkat bad u myntri ba dei peit ia ki kam pynroi sor u bah Sniawbhlang Dhar la sam ia jingiarap sha ki shnong ban pynitynnad ia ki shnong ki thaw kiba don ha nongbah Shillong bad Sor Jowai.
Ki shnong kiba la shah jied ban ioh ia kane ka jingiarap pisa na ka sorkar ban pynitynad ha Shillong baroh ki don 34 tylli ka pisa kala kot sha ka T.1.50 klur, na ka bynta ka sor Jowai phra tylli ki shnong ka jingbei pisa ka long T.5.40 lak tyngka.
Ia kane ka jignsam ia kine ki jingiarap pisa la bei lyngba ka tnad jngoh kai pyrthei bad ka jignthmu ka long ban wanrah ia ka mynsiem ban pynneh ia ka jingkhuid jingsuba bad ka jingitynnad ha ki shnong ki thaw bad ha pdeng ki para dong khnang ban khring ia ki nongwan jngohkai pyrthei.
Ia kane ka skhim la mang kyrpang tang na ka bynta ka nongbah Shillong ha East Khasi Hills bad Tura ka West Haro Hills ha ki snem kiba la dep bad mynta la kner ia kane ka jingiarap sha ki shnong jong ka sor Jowai ha West Jaintia Hills District.
