Shillong, Kyllalyngkot 24: Ka kynhun thwet kyrpang hapoh jong ka South West Garo Hills District mynta ka sngi kala pynlong ia ka jingtalasi kali kiba iaid ba ieng bad ha kane ka jingtalasi la ioh ban kurup pisa na ki ar tylli ki jaka bad ka pisa kala kot sha ka T.10,03,500 lak tyngka.
U Chief Electoral Officer ka jylla u bah F.R Kharkongor la ong ba mynta ki dang bishar bniah ia ka jubab ka jong kito ki briew kiba la ioh ban kurup iaka pisa, ia ka pisa kaba la ioh kurup na kitei ki briew kim shym don jingthoh ei ei ruh em ban pynshisha ia katei ka jingrah pisa.
Ka tnad elekshon kala pynlong ia ka jingtahkit namar kane ka por ka hap hapoh ka jingpeit jong ka MCC, ha kaba la bthah shai kdar bay m bit ban rah pisa palat ia ka T.5000/- tyngka marwei, ka pisa kaba la ioh ba kurup na kitei ki ar tylli ki jaka na SWGH District kala palat ia ka kyndon kaba la buh.
