Shillong, Naiwieng 05: Ka tnad ka koit ka khiah jong ka sorkar jylla mynta ka sngi kala rakhe ia ka “3rd National Ayurveda Day 2018” halor ka phang pdeng ba ka jingsumar tynrai kan long na ka bynta ka koi ka khiah jong ki paidbah.
Ha ka jingkren jong umyntri ka koit ka khiah jong ka sorkar jylla u Bah AL Hek, u la ong ban pynkhlain ia kane ka rukom ai jingsumat don kam ban wanrah ha kawei ka kynhun ia ki nongsumar dawai khasi.
Ha kane ka sngi kala don ruh ka jingiamir jingmut halor ka phang “ Quality Council of India” ban ai ia ka jingkyrshan ba kane ka rukom sumar kan ai ia ka jingkoit jingkhiah na ki jingpang kiba don ha u briew,la iakren ruh ia ka jingdon ki dawai kynbat.
Kiba la kren halor ka kaphang ki long u Dr Debjani Roy Advisor, Quality Council jong ka sorkar India, Dr. B.P. Sarma, Prof. jong ka HOD na ka Kayachikitsa, Government Ayurvedic College, Guwahati bad Dr. Shantanu Kr. Sanjay, Medical Officer (AYUR), ba dei na ka tnad ka koit ka khiah jong ka sorkar Assam.
Kiwei kiba la ia don lang ha kane ka sngi ki long u Anil Jauhri, CEO, National Board for Accreditation for Certification Bodies (NABCB) ha kane ka jingialang la don lang u Pravin Bakshi, Secretary, Health bad Family Welfare ba dei ruh u Director jong ka AYUSH, Dr. T. S. Nongkhaw, Director Health Services, MI, Dr. D.K. Raswai, State Nodal Officer jong ka AYUSH, Dr. S. Pala, Ayurvedic Physician, Shillong Civil Hospital, Shillong bad kiwei kiwei.
