Ban pynkhreh ia ka Election hapoh ka jylla Meghalaya khot jingialang ka ECI ha Delhi

Shillong, Naiwieng 02: ka Election Commission jong ka Ri India mynta ka sngi kala phah ia ka shithi sha u Chief Electoral Officer jong ka jylla Meghalaya ban ong ba kan don ka jingialang hapoh ka ophis treikam jong ka  commission ha nongbah Delhi ha ka 9 tarik mynta u bnai kum ka jingpynkhreh ia ka Election sha ka iing dorbar thawain jong ka jylla Meghalaya.

Ia kane ka jingialang yn pyniaid da u Deputy Election Commissioner jong ka Ri India u Umesh Sinha, la bethah ia u Chief Electoral Officer jong ka jylla Meghalaya ba ha katei ka jingialang un hap ban pyni ia ka rukom pynkhreh na ka bynta ka Election ha kane ka jylla ha ka rukom kaba jainai bad ia kiwei kiwei ki jingdon kam.

Ha kane ka shithi kaba la phah mynta ka sngi la bethah ruh ba un pyntip ia ki kyrteng jong ki police officer bad kiwei ki officer bad ia ka kyrdan kaba ki bot na ka bynta kane ka election ka ban wan ha kane ka jylla Meghalaya namar ha katei ka juh ka sngi kan sa don ruh ka jingiakynduh lang bad kine ki ophisar. La ong u principal secretary u Standhope Yuhlung.

 

What Next?

Recent Articles

Leave a Reply

Submit Comment
*