Shillong, Nohprah 10: Ban pynkhreh ia ka jingwan jong u Myntri Rangbah Duh jong ka Ri India u Narendra Modi ha Shillong ha ka sngi Saitjain ban wan, na ka liang jong u Deputy Commissioner jong ka East Khasi Hills u Bah PS Dkhar u la khot ia ka jingialang la shai ka sngi.
Katkum ki lad khubor kiba la ioh la ong ba ha dien ba la pynthikna ka jingwan jong u myntri rangbah duh jong ka Ri ha Shillong ha ka sngi Saitjain na ka liang jong u Deputy Commissioner u la khot ia ka jingialang la shai ka sngi ha ophis trei kam jong u ban ia pynbeit ia kane ka jingwan jong u Myntri Rangbah Duh jong ka Ri.
Kane ka jingwan jong u Myntri Rangbah Duh jong ka Ri ha Shillong ha ka sngi Saitjain ka dei ka jingwan ban sdang ia ka jingialap election MLA na ka bynta ka seng BJP, ha kaba ka MLA election sha ka ing dorbar thawain ka jylla kan sa long ha u bnai Rymphang jong u snem 2018.
