Shillong, Naiwieng 29: ka jingialang jong ka State Level Census Coordination Committee (SLCCC) kala long mynta sngi ha Main Secretariat na ka bynta ban pynkhreh ia ka khana samari ka ban long ha u snem 2021 ha ka Ri India hi baroh kawei.
Ia kane ka jingialang la khot da ka ophis jong u Director ba dei peit ia ka khana samari ha kane ka jylla Meghalaya u Dr. Joram Beda, ha kaba u Chief Secretary ka jylla Meghalaya u bah P S Thangkhiew u long u lamphang kane ka kommittee.
Ka jingiakren ha kane ka jingialang ka long halor ka phang na ka bynta ka khana samari ka ban long ha u snem 2021. Ha kane ka jingialang ki nongiashim bynta kila ai jingmut sha kane ka kommittee.
Ka jingthoh ia ka khana samari kan sdang da kaba shim jingkhein ia ki iing bad ka jingia dei bad ka iing ka sem ban pynkiew ia ki sha ka jingshim kyrteng ia ki briew sha ka National Polpulation Register 2020 bad kan bud sha ka jingthoh ia ka khana samari ha u snem 2021.
Ka jingthoh ia ka khana samari ha Ri India ka dei kawei na ka kam kaba eh bha ban ia nunjor ha ka pyrthei baroh kawei. Kane ka jingdon ia ka khana samri kan iarap ia ki briew kiba don ha ka bor ban shna ia ki polis trei kam la ka dei ka sorkar pdeng, sorkar jylla bad kum juh ia ki riew paidbah.
Na ka liang jong ka kommittee, ka kyntu ia ki paidbah ban long kiba kloi ban wan sha khmat ban ia trei lang ban thoh ia kane ka khana samari bad ban pynrung ia ka kyrteng jong ki briew sha ka NPR khnang ba u wei ba u wei u nongshong shnong u dei ban ioh rung ka kyrteng jong u.
Ha kane ka jingialang ka Bharati Chanda, Dy. Registrar General, Commissioners kaba bat ruh kaum ka secretaries bun ki tnad sorkar jong ka jylla Meghalaya l lem bad kiwei kiwei ki ophisar kila ia don lang ha ka jingialang.
