Shillong, Risaw 22: U General Secretary jong 
ka All India Congress Committee (AICC) u Dr CP Joshi un wan sha Shillong ha ka 25 tarik mynta u bnai ban ia don bynta ha ka jingialang jong ka seng Congress ha kane ka jylla.
Kane ka jingwan jong u general secretary jong ka AICC ka long ba ia kynduh ia ki nongialam jong ka party ha kane ka jylla Meghalaya na ka bynta ka jingpynkhreh na ka bynta ka MLA Election sha ka iing dorbar thawain ka jylla kaban long ha bas dang jong u snem 2018.
Ki thymmei khubor ki iathuh ba ha katei ka 25 tarik kan don ka jingialang jong ka seng Congress hapoh Congress Bhavan ha kaba baroh ki nongialam jong ka seng na baroh ki District ha kane ka jylla kin ia poi sha kane ka jingialang.
