S
hillong, Jymmang 31: Ka jinghikai ba shisngi kumno ban wanrah ptnkiew ia ka ia ka ioh ka kot jong ki nongrep la pynlong mynta ka sngi ha Raj Bhavan Shillong, da ka ophis jong u lat ka jylla ha ka jingiatreilang ka tnad rep soh rep pai bad ka Meghalaya Institute of Entrepreneurship (MIE).
Haba kren ha kane ka jingialang, u Lat jong ka jylla u Ganga Prasad, u la ong ba ka thong jong ka sorkar ka long ban pynkiew ia ka ioh ka kot jong ki nongrep, hynrei ia kane ka thong lah ban leh lada ia ki nongrep la hikai ba kumno ban wanrah ia ka jingkylla ha ka rukom trei nalor ka reng ka riang, da kaba pynshlur ba kinri jingri bad kiwei kikam kum ka kam thungtied.
U Lat ka jylla u la ong ba ka suin bneng hapoh ka jylla Meghalaya ka long kaba biang bha ban thung ia ki bun jaid ki jaid tied. U la ong ba dang shen ha ka jingwan jong u nongrah ktien ka Ri Japan sha India haba ia kren ia ki kor ki bor jong kane ka juk ba mynta ba ka Ri Japan ka kloi ban iarap na ka bynta ban thung ia u tied bala tip kyrteng ha Ri Japan kum u “Shiitake”, u Lat u la kynti ia ka tnad rep ba kan bud dien ia kane ka kam bad ka ophis jong u nongkti ktien ka Ri Japan.
Haba kren ia ka jinglah ban pynmih bun jaid ki tied na kane ka jylla, u Lat ka jylla u la ong ba don kam ban shim ia ka jingiarap na ka ICAR bad na ka tnad shna jingbam jong ka sorkar pdeng ban ialeh kumno ban pynbha ia ka jingpynmih ia u tied na kane ka jylla Meghalaya.
U KN Kumar ba dei peit ia ka tnad rep u la on ba ka Ri India ka pynmih tang 3% u tied ha ka pyrthei katba ka China ka pynmih haduh 46%. Kumba ka long ka jylla Meghalaya ka biang bha na ka bynta ban pynmih ia u tied, hynrei kaba don kam ka long ban pynsngewthuh ia ki briew jong kane ka jylla ban pynlong ia ka jylla ka jylla kaba lah ban pynmih ia u tied shibun.
Ban pynshlur ia ka kam rep tied, la ai jingmut ban jied 10 tylli ki shnong ban thung tied ha ka jylla, san tylli ha ki lum khasi bad san tylli ha ki lum Garo bad ia kine ki jaka thung tied yn iarap da ka sorkar. Kumba ka long ki nongrep ki thung bun jait ki tied kum u, Reishi bad Shiitake kaba ka dor jong ki ka long kaba heh bad la ong ba don kam ban don ia ka Mushroom Food Park ha Shillong. Kiwei kiba la kren ha kane ka jingilang ki long u Sampath Kumar, Commissioner bad Secretary ka rep ka riang jong ka jylla ka kong M. N. Nampui, Secretary Agriculture bad u Bah B. K. Sohliya , Director MIE.
