Shillong, Iaiong 16: Ha ka jingkren jong u myntri rangbah ka jylla u Conrad K Sangma u la ong ba ki don ki jingduna hangne hangtai hynrei ka sorkar ka ialeh ban pynbha ha ki jaka kiba duna, u la iathuh ba ki ophisar bad ki nongtrei sorkar baroh kila trei shitom khlem thiah khlem dem shuh.
La iathuh ba la dep ban phah test haduh 552 tylli la dep ban phah test ngi dang ap ia ka result jong ki 178 tylli. Na ki test baroh kiba la dep kiba la long positive ki long hynniew tylli. Na ka liang jong ka sorkar kan dang ialeh mynta ban phah tet shuh shuh bad ka sorkar ka dang ia leh ban ioh ia ki “Rapid test Kids” ki ban dang wan na kiwei ki ri jong ka pyrthei ha kaba kiwei ki jylla ruh ki dang ia leh ban iohi ia ki.
U myntri rangbah u la ong ba shen ki “Rapid test Kids” kin sa poi ha ka jylla. Ha NEIGHRIMS kala dang pynheh shuh shuh ia ka jaka test bad mynta kala lah ban test haduh 100 tylli ha ka shi sngi, u myntri rangbah u la pynpaw ia ka jingsngewnguh ruh ia ka sorkar Assam kaba la pdiang ban leh 50 tylli ki test ha ka shi sngi bad mynta ha ka shi sngi la lah ban test 150 tylli.
Kumba ka long mynta la ha ka jylla Meghalaya ne ha kiwei ki jylla jong ka Ri kaba don kam mynta ka long ban hap ban test kham bun, la sngewthuh mynta ba don kam ban test bun shuh shuh bad mynta la sngewthuh ba don kam ia ki “Rapid Test Kids” bad don kam ban don ruh ia ki “Pool Test” hynrei ha kaba sdang kaba don kam ka long ban test nyngkong ia kito kiba don ka jingiadei kaba jan ba ki kwah ban pyndep mynta bad shen yn sa lah ban pyndep.
