Shillong, Nailur 14: U myntri rangbah ka jylla u Conrad K Sangma haba jubab ia ka jingkylli u bah Mayralborn Syiem haba ia dei bad ka soskular kaba la ia soi bad ka sorkar Assam ha kaba ia dei bad ka jingpynia pynbeit pud bad ka jylla Assam u la kren shai bay n nym lah shuh ban pynkylla ia ka soskular kaei kaba ki lah ban leh ka long tang ban ia pynbeit hangne hangtai lada don kam.
U Myntri Rangbah ka jylla u la ong ba ia ka soskular kaba nyngkong la ia soi hadien ka jingiakynduh kaba bun bun sien, la ong ba kila don haduh 28 sien ki jingiashong jingialang bad 18 tylli ki jingiakynduh bad ki paidbah ha ki shnong khappud.
U myntri rangbah la ong ba kala don ka jingiakynduh ia ki bor jong ka KHADC, JHADC bad GHADC, kala don ka jingiakynduh ia ki seng bhalang bad kum juh ia ki MDC, ka sorkar kala bteng ia ka jingiakren katkum ki map kki kot ki sla kiba ka sorkar kala ai ha u snem 2011.
U Myntri Rangbah la ong ba dei ha dien ka jingiamir jingmut kaba shai bha ryngkat ki kaiphot kiba la ioh na ki lai tylli ki Regional Cmmittee ha dien ka jingiakren ka bniah la ia soi ia ka soskular hapdeng ka jylla Meghalaya bad Assam.
Haba ia dei bad ka jingiakren ia ka bynta kaba ar u myntri rangbah ka jylla u la ong ba ka jingiakren kala sdang ha ka 21st Nailar 2022 bad mynta ka sorkar kan sa pynbna ia ki Regional Committee kumba la leh ha ka kylla kaba nyngkong.
Haba jubab ia ka jingkylli bynrap kiba la wanrah da u bah George B Lyngdoh, bah Nujorkyki Syngoh bad jong u bah Adelbert Nongrum, u myntri rangbah la ong ba ka sorkar kan nym lah shuh ban pynkylla ia ka soskular hynrei lada ka don ka jingpynbeit hangne hangtai lah ban leh, hynrei ban pynkylla ia ka soskular ym lah shuh.
U Symbut myntri rangbah ka jylla u Prestone Tynsong, haba jubab ia ka jingkylli kaba la wanrah da u bah Eugeneson Lyngdoh haba ia dei bad ka surok Mwphlang Mawsynram, u ba Prestone la ong ba ka sorkar ka la shimia karai ban shan pyneh ia kane ka surok na LadMawreng shaduh Weiloi bad mynta ki dang pynkhreh ia ka jinglut jingsep mar ia dep ka sorkar kan sa ai ia ka jingmynjur ban bei pisa.
