Shillong, Naiwieng 20: Bah Michele Kharsyntiew phi don kane ka jingthmu bad phi la pynkhreh ruh ban ia khun ia ka MLA elekshon ha u snem 2023 na ka 17-Shillong North Konstitiwensi, ngi tip ruh phi dei u wei bala sah sha England, lada jia ba phi jop kaei kaba phin leh namar la iohi ba ka sor Shillong kala khapngiah sha ba palat, kaei ka rukom pyniaid ba kane ka sor Shillong kan khap ngiah na kaba juh long?
Bah Michel Kharsyntiew, nyngkong nga ai khublei ia phi bad ia ka shanel ka jong phi ba phi la pynlait por ban ia kynduh bad sngewtynnad ia ka jingkylli, kata ka jingkylli kaba phi kylli ka dei ka phang kaba kongsan bha na ka bynta ka jinglong ka sor Shillong kum ba ka long mynta.
Haba kaba nyngkong duh ka long ba ngi dei ban pynheh shwa ia ka sor, kaba mut hap ban rah shuwa ia ki ophis,ban rah ia ki jaka trei kam kham sha jngai na ka sor khnang ba kan don ka jingpynkylla ia ka leit ka wan jong ki briew ba kin nym don ha ka juh ka jaka bad kan nym don ka jignkhap ngiah.
Kum ba phi pynkymaw ia nga kaba nga dang pule sha Ri Phareng bad ba nga dang trei shathi ngi juh iohi ba ki shnong ha Ri Phareng ki long ki shnong kiba da pynbeit ryntih bha, kaba la tip kum ka “Proper Town Planning” ki don ka jingpyrkhat ia ka jinglong ka sor ka jong ki, ki buh ia ki jaka hikai ha kawei ka jaka, ki buh ia ki ophis sha kawei ka jaka bad ia ki iew ki hat ne ki dukan sha kiwei ki jaka, kane ka long ba ki briew kin nym ia leit ban long lymbrun lang ha juh, kata leh se ka dei kaba ngi leh se hap ban pyrkhat thymmai.
Ngi iohi ka Shillong, ngi la don ia kata ka New Shillong Township, tang ba ka jingkynriah ia ki ophis shatei, bad ka jingkynriah ia ki kam shatei kan dang shim por, nga tharia ka sorkar ka dei ban leh wut waut ia kata. Kaba ngi lah ban leh mynta ha kine ki khyndiat sngi leh se ka dei ka jingpyniaid ia ki kali kit briew jong ka sorkar kiba dei ban long katkum kane ka juk kaba mynta.
Kumban shu ai jingmut, sha Ri Phareng ki briew kim juh kham da pyndon kam ia ki kali la jong ki pyndon kam ia ki kali kamai, kine ki kali ki dang long ki kali kiba bit ba biang, kum ban shu ong lada don kam ban leit na Motphran sha Laitumkhrah, sha ri phareng kila don ki bus BMW, ki bus Mercedes, haba don kum kine ki jait bus kin khamrem khyndiat, hynrei ka jingkhuid jingsuba bad ka jingbiang ia ka por bad kane ka pynlong ia ki briew ba kin buh ia ki kali la jong bad ki pyndon kam ia kine ki bus.
Hooid ha jylla jong ngi kila pyrshang ban pyndon kam ia kito ki Bus SPTS, hynrei kito ki bus pat ym don ba sumar ia ki, ka jingbym khuid bad kim biang ruh ka por, lada don kano kano ka kynhun ki riew shimet da ka jingiatreilang bad ka sorkar da kum kine ki jait bus leh se kan kham pynbiang, ha ka juhka por ban pynshlur ia ki briew ba kin iaid kjat ba kin kham ioh ia ka jingkoit jingkhiah ki pyndon kam ia ki bicycle kine kiei kiei kiba lah ban kham pynduna ia ki kali.
Haba ia dei bad ia ki khynnah skul ruh dei ban pyndon kam da ki skul bus bad kita ki skul bus dei ban don ki kynja nonghikai kiba la shah hikai kyrpang ba ki khynnah ruh kan nym don ka jinghiar klumar bad kan nym don kano kano ka jingjia hapoh bus, kita ki long ki jingai jingmut na ka liang ka jong nga kyrmen ruh bal eh se ka sorkar ma mut ia kaba bha leh se nangne sha khmat ka sorkar kan shim ia kane ka jingai jingmut jong nga.
Haba phai sha ka sain pyrthei mynta phi ia don ar ngut ba ia pan ia ka tiket na ka party BJP na ka 17-Shillong North Konstitwensi, la jia ba leh se phi duh tiket kaei ka jingpyrkhat jong phi pat?
Bah Michele Kharsyntiew, kumba ka long mynta nga dei u dkhot jong ka party BJP bad nga la long ruh u dkhot jong ka BJP la phra snem ha kane ka sain pyrthei, te ka party jong ngi ka dei ka party kaba pyniaid iaid beit pyntiaid ryntih, ka party kaba peit ruh ia ka kam kaba u briew u trei, kumba ki long ha kiwei ki jylla u briew ba but ryntih ia ki jingpyniaid party ka party ruhkam peit kein ia ki kam.
Kum ka jigntip jong nga, ka jingsngewthuh ka jong nga, na ka jingshem jong nga kiba nga la ialeh ia ka elekshon ha u 2018 , ka jingioh tiket ka long beit ha ka jingjurip, u briew ba ia jan sha u paidbah u briew bal ah ban trei briew bala trei ka jingjurip kan bishar halor kita, ia kaba mynta hi nga dei u briew jong ka BJP bad nga iaineh bad ka party nga kyrmen ruh ka party kan leh ia kaba bha.
Mynta ngi ia don lang bad u bah Martamlin Pyrbot ba la don ha ka party la slem bha hakane ka BJP teda kaba ngi ia don lang ma ngi ar ngut ka party kan nym bakla ban ai ia ka tiket, lada don kano kano ka jingkylla da kumwei pat teng in sa ia rai lang bad ki para lok kiba ngi don ar ngut ia kaei kaba ki nongkyrshan ki rai ia kata kaba ngi hap ban burom, kane kaba u rangbah Michelle Kharsyntiew u la pynsngew ha ka jingiakren bad u SP News Agency.
