Shillong, Nailur 05: U Ashish Dharma u ba dei u Mechanical Engineer u ba trei bad kawei ka komepni kaba heh ha Delhi, ha kawei ka sngi katba u dang wan phai na jingtrei u la iohi ia u wei u nongkhrong ba ka snam ka mih na ka kti jong u kala ktah ia u bad u la ialam ia shaiing ban ai jingsumar.
U Ashish u ba dang 29 snem ka rta, u la ai ki jain thymmai ia u khynnah ba khrong bad phah ia u sha skul. Kane kam shym la kut tang katne, u la risain na ka kam bad shim ia ka roi ba dei ban leh ei ei ban pynlait ia ki khynnah ha kane ka Ri India na ka kam khrong.
Ban leh ia kane u la rai ban iaid kjat 17,000 km ha kaba u la sdang na Unmukt jong ka jylla Jammu wat ia la dei u dei na ka nongbah Delhi ha kane ka jingiaid lynti ka jong u ban pynphriang ia kane ka khubor ban pynlait ia ki khynnah na ka kam khrong, mynta ka sngi u la wan poi sha Shillong ha kaba u la ia kynduh ia u Lat jong ka jylla bad un pyrshang ban ia kynduh ia u myntri rangbah ka jylla.
Haba sdang jong kane ka jingleh ka jong u ka kmie ba du kpa jong u kila bitar tyngeh bad kila kynnoh ruh ba kane ka dei ka kam biet. Hynrei ha kane ka jingialeh ban pynlait iaki khynnah na ka kam khrong mynta ka kmie bad u kpa kila dei ki nongkyrshan bad nongai mynsiem ia la u khun.
U Ashish u la ong ba kam dei kaba suk ban pynlait ia ka Ri India na kane ka jingeh hynrei kane ka jingleh jong ka long ban pynsngewthuh ba ki bor sorkar ki dei ban leh ei ei, un nym lah ban leh na ka liang jong u hynrei kane ka jingiaid jong u ka long ban pynsngew sha ki bor sorkar ba ki dei ban leh ei ei.
U la ong ba ki don hynniew tylli ki mat kiba lah ban weng ia kane ka jingeh, ban pynlait ia ki khynnah na ka jingshah die, ban khrong, ka jingkhrong kaba la buh da ka kynhun, ka jingtam tiar jot, ka jingpyntrei ia ki khynnah bad ka jingban bein ia ki, ka daw ka long ba baroh ki skhim jong ka sorkar kaba la bha ia ki kim juh poi sha kaine ki khynnah u la kynnoh.
Ban pynsngewthuh ia ki briew ka long kaba eh lem da ki ia kynduh mar khmat ia kine ki khynnah ban pynurlong ia kane ka jingialeh ka jong u la sdang ia kane ka jingiaid kjat ka jongu ha u 22th Nailur 2017 na Jammu, Himachal pradesh , Punjab , Haryana , Rajasthan , Gujrat , Daman , Silvasa , Maharastra , Goa , Madya pradesh , Uttrakand , Up , Bihar , Sikkim , Assam , Arunachal Pradesh , Nagaland , Manipur, Mizoram, Tripura bad mynta u la poi sha Meghalaya bad haduh mynta u la iaid 9,281 Km ha ki 22 tylli ki jylla jong ka Ri India.
