Shillong, Naiwieng 01: Ban pynthikna ba ka Election MLA ha ka jylla kaban long ha u snem 2018 ba ka dei ban long kaba khuid bad ba iaid beit na ka tnad ba dei peit ia ka kam election ka la thung ia ka State Level Media Certification (SLMC) bad ia ka Monitoring Committee (MC) bad u Chief Electoral Officer, jong ka jylla Meghalaya un long u Chairman.
Ki dkhot jong kane ka committee ki kynthup ia u Additional Chief Electoral Officer, ka jylla bad ia u nongpeit pyrman ha kaba ia dei bad ka jingpynlut pynsep ha kaba ia dei bad ka kam election ia kaba yn sat hung da u CEO. Kiwei ki dkhot ki long Dirctor jong ka tnad pathai khubor jong ka sorkar jylla, Deputy Director jong ka Field Publicity, Shillong bad u Bah W Rapheal Warjri, na ka Media Plus, un long u dkhot na ka liangjong ki nongthoh khubor bad u Joint Chief Electoral Officer un long u member Secretary.
Ka kam jong kane ka committee ka long ban shim ia ki jingbishar kiba wan na ki MC ia kiba la khlieh da ku Additional CEO bad ki District Election Officer ban ai jingbit ha kaba ia dei bad ki jingpynbna katkum ki jingbethah jong ka Election Commission jong ka Ri India. Ka dei ka kamram jong ka committee ban bethah ia ki DEO bad ki RO ban ai jingtip sha ki seng sain pyrthei lane ki kyrtong.
