Shillong, Nailar 07: Mynta ka sngi u Superintendent ki Pulit jong ka West Jaintia Hills District mynta ka sngi lem bad kiwei ki heh pulit kila leit sha BOP kaba don ha Khanduli ka jaka ba don ha pdeng ka jingiakam kaba mar kylliang ha pdeng ka Assam bad Meghalaya.
Ha kane ka jingleit na ka liang jong u Superintendent ki pulit u la ia kren bad ki jingdon jong ki pulit ba don ha katei ka jaka kiba dei na ka 6th MLP battalion bad ha kane ka jingiakren la ia mir jingmut bha kumno ban pynneh pynsah ia ka shongsuk shongsain ha Block-I.
U heh pulit jong ka West Jaintia Hills ha kane ka jingleit sha katei ka jaka ba don ka BOP ha Khanduli ha khappud bad ka Assam, u la shim khia ruh ban kylli ia ka koit ka khiah jong ki pulit kiba don ha katei ka jaka bad la ai kren ruh ban pynneh pynsah ia ka khuid ka suba.
